بێگه‌رد تاڵه‌بانى به‌ پرۆژه‌یه‌ك خانمانى لادێ ده‌كاته‌ خاوه‌نى كارى خۆیان

0
1025
واژووكردنى یاداشتى لێكتێگه‌یشتن له‌نێوان وه‌زاره‌تى كشتوكاڵى حكومه‌تى هه‌رێم و ئه‌نجوومه‌نى باڵاى خانمان | فۆتۆ: SNN

SNN – بڕیار محەمەد

ئه‌مڕۆ پێنجشه‌ممه‌ وه‌زیرى كشتوكاڵ و سه‌رچاوه‌كانى ئاوى حكومه‌تى هه‌رێم و ئەنجوومەنی باڵای کاروباری خانمان واژووى لێكتێگه‌یشتنێكیان كرد به‌ مه‌به‌ستى پاڵپشتیكردن و گه‌شه‌پێدانى تواناكانى خانمانى لادێ.

له‌دواى واژوو كردنى لێكتێگه‌یشتنه‌كه‌ بێگەرد تاڵەبانی، وەزیری كشتوكاڵ و سەرچاوەكانی ئاوی حكومه‌تى هەرێم له‌ كۆنگره‌یه‌كى رۆژنامه‌وانیدا رایگه‌یاند: “وەزارەتی كشتوكاڵ وەك دەرچەیەك بەڕووی كاركردن و هێنانە پێشەوەی تاك لەڕووی كار و وەبەرهێنان و بە پیشەسازی كردنی كشتوكاڵ به‌ مه‌به‌ستى زیادكردنى دەستی كاری ناوخۆ، یاداشتێكى لێكتێگه‌یشتنمان له‌گه‌ڵ ئەنجوومەنی باڵای کاروباری خانمان واژوو كرد بۆ ئه‌وه‌ى پشتیوانى خانمانى لادێ بكه‌ین”.

وتیشى: “مه‌به‌ستى سه‌ره‌كى پرۆژه‌كه‌ بریتیه‌ له‌ هاوكاریكردنى خانمانى لادێ بۆ ئه‌وه‌ى ببن به‌ خاوه‌نى پرۆژه‌ى خۆیان”.

دواتر خانزاد محه‌مه‌د، ئەمینداری ئەنجوومەنی باڵاى خانمانی كوردستان وتی: “هاوكارییەكی تەواوى ئه‌م پرۆژه‌یه‌ دەكەین بۆ ئەوەی خانمانی كوردستان لە تەواوی دێهاتەكانی كوردستان ببنە خاوەن كاری خۆیان و لەو رێگەیەشەوە بتوانن سوود بە خۆیان و خانەوادە و بواری كشتوكاڵیش بگەیەنن”.

بەشی بکە لە
Previous Next
Close
Test Caption
Test Description goes like this