بەتۆمەتی “هاککردن” ئەمریکا ژمارەیەک سزای بەسەر ئێراندا سەپاند

0
120

SNN

حکومەتی ئەمریکا رایگەیاند “نزیکەی 50 کەس و قەوارەیان سزا داوە کە بۆ بەرژەوەندیی تاران چالاکی وەک هاککردن و تاوانی ئەلیکترۆنییان ئەنجامداوە”.

مایک پۆمپیۆ وەزیری دەرەوەی ئەمریکا لە تویتەری خۆی رایگەیاندووە “سزاکان 47 کەس و کیانی لەخۆ گرتووە کە لە چوارچێوەی تۆڕی “سیبرانی” جیهانی رژێمی ئێران کاریانکردووە”.

پۆمپیۆ ئاماژەی بەوەشداوە کە وڵاتەکەی سزای بەسەر دوو کۆمپانیای لوبنانیدا سەپاندووە کە سەر بە حیزبوڵان و کەسایەتییەکی ئەو رێکخراوەش کراوەتە ئامانج کە کاریان خۆ دەوڵەمەند کردنە بۆ جێبەجێکردنی ئەجێندای خۆیان لە لوبنان.

وەزارەتی خەزێنەی ئەمریکاش رایگەیاندووە “سزایان سەپاندووە بەسەر کۆمپانیای Rana و 45 کارمەندی کۆمپانیاکە کە لەناو گروپێکدا کاریان کردووە بەناوی APT39”.

بەگوێرەی بەیاننامەیەکی وەزارەتی خەزێنەی ئەمریکا، ئەو گروپ و کۆمپانیایانە کەمپینی ئەلیکترۆنییان راگەیاندووە بە بەکارهێنانی بەرنامەی هاککردن دژی کۆمپانیا و راگەیاندنکارە دژبەرەکانی ئێران.

بەشی بکە لە
Previous Next
Close
Test Caption
Test Description goes like this