بەرپرسێکی ئەمریکی: حزبوڵا لە ئەوروپا چەک و تەقەمەنی هەیە

0
601

SNN

نەیسان سەیڵس، بەرپرسی هەماهەنگییەکانی وەزارەتی دەرەوەی ئەمریکا بۆ رووبەڕووبوونەوەی تیرۆر رایگەیاند: لەم چەند ساڵەی رابردوودا رێکخراوی حزبوڵا چەک و تەقەمەنی لە وڵاتانی ئەوروپا کۆکردووەتەوە و ئامادەیە بۆ هێرشێک لە داهاتوودا کە لە ئێرانەوە فەرمانی لەسەر بدرێت.

ئەو بەرپرسەی وەزارەتی دەرەوەی ئەمریکا داوای لە وڵاتانی ئەوروپا کردووە، هەڵوێستی تووند بگرنەبەر باڵی سیاسی حزبوڵا-ی لوبنان و باڵە چەکدارییەکەی.

بە گوێرەی ئەو بەرپرسە، حزبوڵا تەقەمەنی لە جۆری نیتراتی ئەمۆنیۆم لە کۆگاکانی لە فەڕەنسا، بەلجیژا، یۆنان، ئیتاڵیا، ئیسپانیا و سویسرا هەیە، دەشێت لە فەڕەنسا و یۆنان و ئیتاڵیا دەستبەسەر ئەو تەقەمەنیانەدا گیراوە یان لەناوبراون.

دەشڵێت: هۆکارمان هەیە کە دەڵێین ئەم چالاکییانەی حزبوڵا بەردەوامە و گوماندەکەین تەقەمەنییان لە وڵاتانی ئەوروپا هەبێت، بەتایبەت لە یۆنان و ئیتاڵیا و ئیسپانیا.

سەیڵس دەپرسێت: “بۆچی حزبوڵا نیتراتی ئەمۆنیۆم لە خاکی ئەوروپا هەیە؟ بە دڵنیاییەوە وەڵامەکەی روونە، دەیەوێت هێرشی تیرۆرستی بکات لە هەر کاتێکدا کە پێویستبێت بۆی، ئەوەش لە ژێر فەرمانی گەورەکانیان لە ئێران”.

ئەمە لەکاتێکدایە یەکێتی ئەوروپا باڵی چەکداری حزبوڵای وەک گروپێکی تیرۆرستی لەقەڵەمداوە.

 

بەشی بکە لە
Previous Next
Close
Test Caption
Test Description goes like this