له‌ ئێرانه‌وه‌ نه‌وتى سپى هاورده‌ ده‌كرێت و هه‌وڵى دابه‌زاندنى نرخه‌كه‌ى ده‌درێت

0
523

SNN-سیروان حه‌سه‌ن

به‌رێوه‌به‌رایه‌تى نه‌وت و كانزاكانى گه‌رمیان و ده‌روازه‌ى مه‌رزى په‌روێزخان رێككه‌وتوون له‌سه‌ر هاورده‌كردنى نه‌وتى سپى له‌ لایه‌ن كۆمپانیاكانه‌وه‌ ئه‌مه‌ش به‌ مه‌به‌ستى زۆربوونى بڕه‌كه‌ى و دروستبوونى كێبڕكێ بۆ دابه‌زاندنى نرخه‌كه‌ى.

یادگار فه‌تاح به‌رێوه‌به‌رى نه‌وت و كانزاكانى گه‌رمیان به‌ SNNى راگه‌یاند: بەمەبەستی ڕێکخستنەوە و بەدواداچوون بۆ کارەکانی پشکنینی سوتەمەنی لە دەروازەکە، سەردانی دەروازەی نێودەوڵەتی پەروێزخانی کردووه‌ و لە کۆبوونەوەیدا لەگەڵ سەرپەرشتیاری دەروازە و کۆمپانیای لۆکس ئەجنسی و بنکەی پشکنینی سوتەمەنی پەروێزخان قسه‌یان له‌سه‌ر هاورده‌كردنى نه‌وتى سپى كردووه‌.

وتیشى: له‌و باره‌یه‌وه‌ بڕیاریانداوه‌ بە پێکهێنانی لیژنەیەکی هاوبەش بەمەبەستی وەرگرتنی نمونەی سوتەمەنی و ئامادەکردنی شوێنی نوێ و دابینکردنی پێداویستییەکانی بنکەی پشکنینی سوتەمەنی پەروێزخان. هاوكات کردنەوەی خاڵی وەرگرتنی نموونە لە ئایندەیەکی نزیکدا بەشێوازێك بە ئاسانی کۆنترۆڵی وەرگرتنی نموونەکان بکرێت.

یادگار فه‌تاح راشیگه‌یاند: هه‌روه‌ها رێككه‌وتوون بەهۆی نزیکبوونەوەی وەرزی زستانەوە کاربکرێت بۆ هاوردەکردنی نەوتی سپی لەلایەن کۆمپانیاکانەوە هاوشان لەگەڵ بەنزین و گازوایل، ئه‌مه‌ش بەمەبەستی زۆربوونی بڕەکەی و دروستبوونی کێبڕکێ بۆ دابەزینی نرخەکەی.

بەشی بکە لە
Previous Next
Close
Test Caption
Test Description goes like this