قوباد تاڵەبانی پیرۆزبایی لە کازمی دەکات

0
233
قوباد تاڵه‌بانى، جێگرى سه‌رۆكى حكومه‌تى هه‌رێم | فۆتۆ: SNN

قوباد تاڵەبانی جێگری سەرۆکی حکومەتی هەرێم پیرۆزبایی لە مستەفا کازمی کرد و ئامادەیی نیشاندا بۆ هاوکاریکردنی حکومەتەکەی.

قوباد تاڵەبانی، ئەمڕۆ 7ی ئایار، لە تویتێکیدا ئاماژەی بەوەشکرد: “هیوای سەرکەوتن بۆ مستەفا کازمی دەخوازم لە بنیادنانی دەوڵەتێکی سەقامگیر لە چوارچێوەی دەستووردا و کارکردن بە حوکمێکی رەشید”.

وتیشی: “ئامادەیی خۆمان نیشاندەدەین بۆ کارکردن پێکەوە، لەپێناو چارەسەرکردنی هەر گرفت و مەترسی و ئاڵنگارییەک کە رووبەڕووی عێراق دەبێتەوە”.

شەوی رابردوو، ئەنجومەنی نوێنەرانی عێراق بە زۆرینەی دەنگ متمانەی بە کابینەکەی کازمی بەخشی و 15 وەزیری کابینەکەی دەنگی پێویستیان بەدەستهێنا و پێنج کاندیدیش رەتکرانەوە و کاندیدی هەردوو وەزارەتی دەرەوە و نەوت لەنێو لیستی کاندیدەکاندا نەبوون کە پێشکەش بە پەرلەمان کرابوون.

بەشی بکە لە
Previous Next
Close
Test Caption
Test Description goes like this