بۆ یەکەمجار هەواڵێکی دڵخۆشکەر لەبارەی ڤایرۆسی کۆرۆناوە ئاشکرا دەکرێت

0
799

SNN

لە توێژینەوەیەکی نوێدا کە لە سایتی (دەیلی مەیل)ی بریتانیدا بڵاوکراوەتەوە ئەوە ئاشکرا دەکات کە نیوەی دانیشتوانی گۆی زەوی جەستەیان بە شێوەیەکی سروشتی بەرگری بەرامبەر ڤایرۆسی کۆرۆنا هەیە.

لە توێژینەوەکەدا کە لەسەر کۆمەڵێکی زۆر لە تووشبووانی ڤایرۆسی کۆرۆنا لە ئەمریکا ئەنجامدراوە دەرکەوتووە کە خانەکانی “T-cells”ی بەرگری هەندێک لە تووشبووەکان راستەوخۆ ڤایرۆسەکەی ناسیوەتەوەو لەناوی بردووە، رێژەی ئەو کەسانەی کە بەرگری سروشتییان هەبووە بەرامبەر کۆرۆنا، نیوەی ئەو کەسانە بوون کە خۆیان بەخشیبوویە توێژینەوەکە.

هەر لە ئەنجامی توێژینەوەکەدا هاتووە ئەو کەسانەی بەرگرییەکی سروشتییان بەرامبەر ڤایرۆسەکە هەیە لە کەمترین ماوەدا و بەبێ هیچ بێزارکردنیک ڤایرۆسەکە تێدەپەڕێنن.

پیتەر دۆتشی پزیشکی تویژەر لە راپۆرتێکیدا بۆ رۆژنامەی زانستی بەریتانی ئاشکاری کردووە و دەڵێت: هەندێک هاووڵاتی بەرگری سروشتییان بەرامبەر ڤایرۆس کۆرۆنا هەیە بەبێ بەکارهێنانی هیچ جۆرە پلازما تاخود دەرمانێک بۆیان.

ئەو پزیشکە ئاماژە بەوە دەکات، هەنێک لە هاووڵاتییانی سەر زەوی کاتێک تووشی ڤایرۆسەکانی دیکە بوون کە لە خێزانی کۆرۆنان یاخود خێزانی ڤایرۆسەکانی دیکە، جەستەیان توانیویەتی بەرگری بەرامبەر ڤایرۆسەکە پەیدا بکات و لە هەمان کاتدا بەهێزی بکات، ئەمەش وا دەکات کاریگەری لەسەر کۆرۆناش هەبێت.

لای هەمووان ئاشکرایە کە “T-cells”ی مرۆڤ توانایەکی کاریگەری هەیە لە ناسینەوەی ڤایرۆسەکان لە داهاتوودا و هەروەها بەهێزکردنی جەستە بەرامبەریان، توێژینەوە لە سەر خانە (تائییەکانی) توێژەران رێخۆشکەر دەبێت بۆ ئەوەی لە داهاتوودا زیاتر ئاشنای کۆرۆنا بین و ئەو نهێنییەش روونبێتەوە کە بۆچی منداڵ بەهێزترە بەرامبەر ڤایرۆسەکە و بۆچی کۆرۆنا لە کەسێکەوە بۆ کەسێکی تر لە رووی نیشانەو کاریگەرییەوە جیاوازە.

 

بەشی بکە لە
Previous Next
Close
Test Caption
Test Description goes like this