“ئەگەر ئەمریکا لە ملهوڕییەکانی خۆی بەردەوامبێت وەڵامی یەکلای کەرەوەمان دەبێت”

0
334

SNN

حەسەن روحانی، سەرۆککۆماری ئێران ھۆشداری دەداتە ئەمەریکا و رایدەگەێنێت “ئەگەر ئەمەریکا لە ملھوڕییەکانی خۆی بەردەوام بێت رووبەڕووی وەڵامێکی یەکلاکەرەوەی ئێران دەبێتەوە”.

روحانی لە کۆبوونەوەی کابینەی حکومەتەکەیدا وتی: “وەک سەرۆک کۆماری ئێران دەمەوێت رایبگەێنم کە ئەگەر ئەمەریکا بیەوێت سوود لە ملھوڕییەکانی خۆی ببینێت و ئەو قسە نابەجێیەی کە دەڵێ من رێککەوتنەکانم رەتکردنەوە، کە ھیچ لایەنێک ئەم قسانەی ئەمەریکای قبوڵ نەکردوون و بیەوێت لە رووی کردارییەوە ھەنگاوێک بنێت، بەدڵنیاییەوە رووبەڕووی وەڵامی یەکلاکەرەوەی ئێمە دەبێتەوە. بەتەواوی روونە کە ئێران لە ھیچ قۆناغێکدا نەچووەتەوە ژێرباری ئەمەریکا و لەم قۆناغەشدا لەبەرامبەر ملھوڕییەکانی ئەمەریکا رادەوەستێت”.

ئاماژەی بەوەشکردووە ” وەک وڵاتی دۆست، داوا سوپاسی رووسیا و چین دەکەم کە بەتووندی و بەھێزەوە لەبەرامبەر قسە و کارە نابەجێکانی ئەمەریکا لە قۆناغەکانی پێشوو و لەم قۆناغەشدا راوەستان. ھەروەھا سوپاسی ئەنجومەنی ئاسایش و وڵاتانی ئەوروپاش دەکەم. ئەگەر ئەو پێنج وڵاتەکەی کە لە رێککەوتنەکەدا ماونەتەوە، بەڵێن و ئەرکەکانی خۆیان جێبەجێ بکەن، ئێمەش دەگەڕێینەوە بۆ پابەندییەکانمان لە رێککەوتنەکەوە”.

بەشی بکە لە
Previous Next
Close
Test Caption
Test Description goes like this