میدیا و رۆژنامەنووس چییان بە کۆمەڵگە بەخشیووە

0
679

SNN- هەولێر
پێشكەشكار یاخود هونەرمەند ئەو كارەكتەرەیە متمانەی و كەسایەتی خۆی هەبێت لەناو کۆمەڵگەدا، لە ئێستاشدا ئەگەر سەرنجبیدرێت،  دەبینین میدیا و سۆشیال میدیا لە هەرێمی كوردستان تا ئاستێكی باش توانیویەتی ڕۆلی یەكلاكەرەوە ببینێت لە پرسەكاندا، بۆیە پێویستە میدیاکار یاخود رۆژنامەنووس و پێشكەشكار ئەو ئەركەی لەسەریەتی وەكو خۆی بیباتە سەر.

میهرەبان حسین، مامۆستای زانكۆ رایگەیاند: دەزگاكانی ڕاگەیاندن، بەیەكێك لە دەزگاكانی پێگەیاندنی پەروەردەیی و كۆمەڵایەتی تاك دادەنرێت، لەئێستاشدا ئەم دەزگایانە كاریگەرییەكی گەورەی هەیە لەسەر تاك، لەكوردستان لەدوای ساڵی ـ1991 تەنها چەند كەناڵێك هەبوون كە زمانحاڵی حزبە سیاسییەكان بوون، لەگەڵ ئەوەشدا بینەری تایبەتیان هەبووە، چونكە هەموو بەرنامە پێشكەشكراوەكانیان لەگەڵ تەقالید و ترادیسۆنی كودریدا گونجاو بووە و بینەر لێیان وەڕس نەبووە، پێشكەشكار، بەئەركی ئەخلاقی ڕۆژنامەوانی خۆی هەستاوە، بەڵام لەم ساڵانەدا و ڕێك لەم دەمەدا چەندین كەناڵی جۆراوجۆری ئاسمانی و لۆكاڵی دامەزراون، كە بەرنامەكانیان هەموو ماڵێكی كوردی تەنیوە و بینەرێكی زۆر تەماشای بەرنامە كرچ و كاڵەكانیان دەكەن، هەندێك لەو كەناڵانە دەتوانم بڵێم هیوا بەخشن و بەپێی یاسای ڕۆژنامەگەری كاری میدیایی خۆیان دەكەن.

راشیگەیاند “بەڵام بەداخەوە زۆرترنی ئەو كەناڵانە ڕۆڵێكی خراپ دەگێڕن لەتێكدانی شیرازەی خێزانی و ئاسایشی كۆمەڵایەتی، ئەمەش زیاتر دەگەڕێتەوە بۆ ئەداو پێرفۆرمی پێشكەشكارانەی لەئێستادا، لەو كەناڵانەدا كاری بێژەری دەكەن، پسپۆڕییان لە بواری ڕاگەیاندندا نییە، تەنها لەبەر بژێوییان ڕوویان لەكاری پێشكەشكاری كردووە، هەر بۆیە نەیانتوانیوە وەك پێویست بەكاری خۆیان هەستن، كاتێك خێزانی كوردی تەماشای هەندێك لەبەرنامەكانی ئەم جۆرە تیڤییانە دەكات بەتایبەتی بەرنامە خێزانییەكان، دەبینێت پێشكەشكاری هەرزە و كرچ و كاڵ لەبری خزمەت بە بینەر و  بوارەكەی خۆی بكات زیاتر كار لەسەر خراپبوونی دۆخی دەروونی و كۆمەڵایەتی تاكی كۆمەڵگەی كوردی دەكەن.

كوردە باپیر توێژەری كۆمەڵایەتی پێیوایە: بەهۆی ئەو گۆڕانكارییانەی لەئێستادا هەن و هەموو بوارەكانی ژیانی گرتۆتەوە، میدیاش بێگومان گۆڕانی زۆری بەسەردا هاتووە، ئەگەر لەپێشوودا ئەوەی گرنگ بووبێت بۆ پێشكەشكارێك ئاستی زیرەكی و لێهاتوویی و ئەتەكیەت بووبێت، لەئێستادا ئەوانە كەم حسابی بۆ دەكرێت، چونكە لەڕابردوودا، بەرنامە بەها و سەنگی خۆی هەبوو گرنگی بەناوەڕۆك و بابەتە گرنگەكانی ڕۆژ دەدا، بەداخەوە ئەوەی ئێستا دەگوزەرێت، زۆر و بۆریی و بێ بەرنامەیی و كۆمەڵێك بەناو بەرنامەی تەرفیهین، كە جگە لە زیان بۆ كۆمەڵگە و تێكدانی شیرازەی كۆمەڵگە سوودێكی ئەوتۆیان نەگەیاندووە، من لێرەدا باسی تیڤی دەكەم هەڵبەتە چەند كەناڵێك هەن كە لەپەنجەكانی یەك دەست تێناپەڕن، تاڕادەیەك بەهای میدیایان لەدەستنەداوە زۆرینەیان بەرنامەكانیان دووبارە و بێ مانان كار لەسەر گەمژەكردنی تاكی كوردی دەكەن .

بەشی بکە لە
Previous Next
Close
Test Caption
Test Description goes like this