حکومەتی عێراق بودجەی 2020ی لە پەرلەمان کشاندەوە

0
463

SNN

بەمەبەستی گۆڕانکاری و هەمواری هەندێک خاڵ، حکومەتی عێراق پرۆژەیاسای بودجەی 2020ی لە پەرلەمانەوە کشاندەوە، ئەویش دوای یەک رۆژ لە ناردنی بۆ ئەنجومەنی نوێنەران.

ئەحمەد سەفار بڕیاردەری لیژنەی دارایی پەرلەمانی عێراق رایگەیاندووە “بۆ هەموار کردن و گۆڕانکاری کردن لە هەندێک بڕگە و ماددە لە پرۆژەیاساکە، حکومەت بودجەی 2020ی راکێشاوەتەوە”.

وتیشی: “بڕیار بوو پرۆژەیاساکە بکەینە تەوەرێکی دانیشتنەکانی رۆژی پێنجشەممە بۆ گفتوگۆ، بەڵام دواجار حکومەت داوایکردەوە و ئێمەش بۆمان ناردنەوە”.

دوێنێ لەلایەن ئەنجوومەنی وەزیرانی عێراقەوە پرۆژە بودجەی گشتی بۆ ساڵی 2020 پەسەند كرا و ڕەوانەی پەرلەمان كرا لەوێشەوە ڕەوانەی لیژنەی دارایی كراوە بۆ ئەوەی خوێندنەوەی یەكەمی بۆ بكرێت.

سەرەتا لە لیژنەی دارایی خویندنەوەی یەكەمی بۆ دەكرێت و دواتر رەزامەندی دەردەبڕدرێت بخرێتە بەرنامەی كاری دانیشتنی پەرلەمانەوە.

بەشی بکە لە
Previous Next
Close
Test Caption
Test Description goes like this