دوو برا به‌رامبه‌ر پاره‌یه‌كى زۆر ئازاد كران

0
554

SNN- سیروان حه‌سه‌ن

له‌ سنوورى قه‌رته‌په‌ى سه‌ر به‌ قه‌زاى خانه‌قین، دواى ئه‌وه‌ى له‌لایه‌ن چه‌كدارانى داعشه‌وه‌ دوو برا رفێندران، ئه‌مڕۆ له‌ به‌رامبه‌ر 150 هه‌زار دۆلار ئازاد كران.

محه‌مه‌د نارێنى به‌رپرسى كۆمیته‌ى یه‌كێتى له‌ قه‌ره‌ته‌په‌ به‌ SNNى راگه‌یاند: به‌یانى ئه‌مڕۆ دوو هاووڵاتى كه‌ بران و دانیشتووى گوندى سفسافه‌ى سه‌ر به‌ ناحیه‌ى قه‌ره‌ته‌په‌ن و پێشتر له‌ لایه‌ن داعشه‌وه‌ رفێنداربوون ئازادكران.

وتیشى، “ئازادكردنى ئه‌و دوو هاووڵاتییه‌ له‌ به‌رامبه‌ر 150 هه‌زار دۆلار بووه‌ كه‌ له‌لایه‌ن كه‌سوكاریانه‌وه‌ ڕاده‌ستى چه‌كداره‌كان كراون”.

24ى ئابى 2020 چه‌كدارانى داعش هه‌ڵیانكوتایه‌ سه‌ر گوندى سفسافه‌ و دوو برا و ئامۆزایه‌كیان له‌ ماڵه‌كه‌یان خۆیاندا ڕفاندو له‌ چه‌ند رۆژى رابردوو ئامۆزاكه‌یان ئازاد كردوو ئه‌مڕۆش هه‌ردوو براكه‌. ئه‌م په‌لاماره‌ى داعشیش دواى ئه‌وه‌ دێت پێشتر داواى پاره‌یان له‌و خێزانه‌ كردبوو كه‌ سه‌رمایه‌دارن، به‌ڵام ئاماده‌نه‌بوون هاوكارى ماددى داعش بكه‌ن.

به‌ پێى ئه‌و رووداوانه‌ى پێشتر روویانداوه‌ له‌ سنوورى خانه‌قین و ناوچه‌ كوردییه‌كان زۆرجار چه‌كدارانى داعش رفێندراوه‌كان ده‌كوژن و له‌ كاتێكیشدا له‌ رووى داراییه‌وه‌ بارودۆخى باش بێت ئه‌وا له‌ به‌رامبه‌ر بڕە پاره‌یه‌كى زۆر ئازادیان ده‌كات.

بەشی بکە لە
Previous Next
Close
Test Caption
Test Description goes like this