تورکیا لەبارەی پێکهێنانی حکومەتەکەی کازمییەوە پەیامێکی بڵاوکردەوە

0
504

تورکیا پێشوازی لە پێکهێنانی کابینەی نوێی حکومەتی عێراق کرد و رایگەیاند: خوازیاری کاری پێکەوەین .

وەزارەتی دەرەوەی تورکیا ئەمڕۆ، 7ی ئایار، لە راگەیەندراوێکدا ئاماژەی بەوەکرد: “تورکیا هیواخوازە حکومەتی نوێی عێراق ئامێز بۆ سەرجەم پێکهاتەکانی وڵاتەکە بکاتەوە و لە ئاست داخوازی سەرجەم لایەنەکاندا بێت و هاوکاربێت لە پرۆسەی سەقامگیری ناوچەکە بکات”.

راشیگەیاند: “لەم کاتەدا کە هەموو جیهان بە کاتێکی هەستیاردا تێپەر دەبێت لە ئەرکەکەیدا سەرکەوتوو بێت”.

وتیشی: “تورکیاش ئامادەیە بۆ کارکردن لەگەڵ حکومەتی نوێی عێراق لە چوارچێوەی کاری پێکەوەیی لە بوارە هاوبەشەکاندا ولەسەرو هەمووشیەوە لە بواری ئاسایش، بازرگانی، وەبەرهێنان و ئاوەدانکردنەوە، کە چەندین ساڵە بووە بە گرێکوێرەی حکومەتە یەک لەدواییەکەکانی عێراق”.

شەوی رابردوو، ئەنجومەنی نوێنەرانی عێراق بە زۆرینەی دەنگ متمانەی بە کابینەکەی کازمی بەخشی و 15 وەزیری کابینەکەی دەنگی پێویستیان بەدەستهێنا و پێنج کاندیدیش رەتکرانەوە و کاندیدی هەردوو وەزارەتی دەرەوە و نەوت لەنێو لیستی کاندیدەکاندا نەبوون کە پێشکەش بە پەرلەمان کرابوون.

بەشی بکە لە
Previous Next
Close
Test Caption
Test Description goes like this