پرۆسەی خوێندن بۆچوونی جیاوازی لەناو مامۆستایانی ڕاپەڕین دروستکردووە

0
337

SNN-محەمەد مستەفا

لە سنووری ئیدارەی ڕاپەڕین چەند بۆچوونێکی جیاواز لەبارەی شێواز و کاتی دەستپێکردنەوەی دەوامی خوێندنی خوێندکارانی قۆناغەکانی سێی سەرەتایی تا 11ی دواناوەندی هەیە کە بڕیارە بەشێوەی ئۆنڵاین و ئەلیکترۆنی بەڕێوەبچێت.

یاسین عەبدوڵا ئەندامی ئەنجومەنی مامۆستایانی ناڕازی بە SNN ی راگەیاند: “ئێمە وەک مامۆستایانی ناڕازی بە هەموو شێوەیەک دژی سیستەمی خوێندنین بە سیستەمی ئۆنلاین و ئەلیکترۆنی، چونکە ئێمە پێمان وایە ئەو سیستەمە بۆ خۆدزینەوەی حکومەتە لە جێبەجێکردنی داواکاری مامۆستایان، هاوکات ئەو سیستەمە بۆ دۆخی ئێستای هەرێمی کوردستان گونجاو نیە و سەرکەوتوو نابێت”.

وتیشی “ئێمە وەک مامۆستایانی ناڕازی چەند داوایەکمان ئاڕاستەی حکومەتی هەرێم و وەزارەتی پەروەردە کردوە و لە ئەگەری جێبەجێنەکردنی داواکارییەکان، بایکۆتی پڕۆسەی خوێندن دەکەین” .

یاسین عەبدوڵا باسی لەوەشکرد: ئێمە وەک مامۆستایان داوامان کردوە هەموو 30 رۆژ جارێک مووچەی تەواوەتیمان پێ بدرێت بە کەمتر لەم داوایە ئێمە ئامادەنین ئەمساڵ دەست بکەین بە پڕۆسەی خوێندن لە خوێندنگاکان .

هاوکات بەڕێوبەری خوێندنگا ئامادەییەکانی سنووری قەزای پشدەریش لە راگەیەندراوێکی جیادا کە وێنەیەکی بۆ SNN نێردراوە داوا دەکەن کە پڕۆسەی خوێندن بۆ رۆژی 10 ی مانگی داهاتوو دوابخرێت کە بڕیارە ڕۆژی 27 ی ئەم مانگە پڕۆسەی خوێندنی قۆناغی 12 ی ئامادەیی دەستپێبکات .

بەڕێوەبەرانی خوێندنگا ئامادەییەکانی قەڵادزێ باس لەوە دەکەن، حکومەت هیچ ئامادەکاریەکی نەکردووە بۆ دەستپێکردنی ساڵی نوێی خوێندن لە رووی دابینکردنی شایستە داراییەکانی مامۆستایان و دابینکردنی پێداویستی خۆپارێزی بۆ خوێندکاران .

بەشی بکە لە
Previous Next
Close
Test Caption
Test Description goes like this