ئەوقافی هەرێم: ئامادەین بۆ دەستپێکردنەوەی گەشتی عەمرە

0
214

SNNـ بڕیار محەمەد 

وتەبێژی وەزارەتی ئەوقاف و کاروباری ئایینی هەرێم رایدەگەیەنێت، لەم قۆناغەدا سعوودیە رێگە بە گەشتی عەمرەی هاووڵاتییانی دەرەوەی نادات، بەڵام هەر کاتێک گەشتی عەمرە دەستپێبکاتەوە ئامادەن بۆی.

نەبەز اسماعیل، وتەبێژی وەزارەتی ئەوقاف و کاروباری ئایینی حکومەتی هەرێمی کوردستان رایدەگەیەنێت: “ئەنجامدانی عەمرە بە چوار قۆناغ دەبێت، قۆناغی یەکەم و دووهەم و سێهەمیش لەنێو خۆی سعوودیە و مەکە دەبێت و رێگە بە هاووڵاتییانی دەرەوەی وڵاتەکە نادرێت گەشت بکەن”.

ئاماژەی بەوەشکرد: “پاش ئەوەی پسپۆڕانی تەندروستی لە سعوودیە چاودێری رەوشی وڵاتەکەیان کرد و راپۆرتی پزیشکییان لەوبارەیەوە ئامادەکرد، دوا قۆناغ دەستپێدەکات کە رێگەدانە بە گەشتی عەمرە لە دەرەوەی ئەو وڵاتەوە، ئەو کاتە حکومەتی سعوودیە بڕیار لەبارەی ئەو گەشتەوە دەدات”.

ئەوەشی خستەڕوو: چاوەڕوان دەکرێت حکومەتی سعوودیە لە مانگی تشرینی دووەمی ئەمساڵدا بڕیار لەبارەی گەشتی عەمرە بدات و ئەگەر رەوشی کۆرۆنا لەژێر کۆنتڕۆڵدابێت، وەڵامی ئەرێنی دەبێت.

وتیشی: ئێمە وەکو وەزارەتی ئەوقاف وکاروباری ئایینی حکومەتی هەرێمی کوردستان هەرکات حکومەتی سعوودیە بریاریدا دەرگا بۆعەمرەکان بکاتەوە، ئێمە ئامادەین و تەواوی ئامادەکارییەکانمان کردووە.

لە مانگی شوباتی ئەمساڵدا سعوودیە گەشتی عەمرەی لە هاووڵاتییانی ئەو وڵاتانە قەدەغەکرد کە کۆرۆنا تیایاندا بڵاوبووەتەوە، دواتر بڕیارەکەی گشتگیرکرد و بەتەواوی گەشتەکانی عەمرەی راگرت.

بەشی بکە لە
Previous Next
Close
Test Caption
Test Description goes like this