سه‌باره‌ت به‌ لقی شاره‌كانی یه‌كێتیی تۆپی پێی عێراق .. چاوه‌ڕوانی ره‌شنووسی فیفا ده‌كرێـت

0
88
یەکێتیی تۆپی پێی عێراق

حسێن کەرکوکی- SNN Sport

ده‌سته‌ی ئاساییكردنه‌وه‌ی یه‌كێتیی تۆپی پێی عێراق  كۆبوونه‌وه‌یه‌كی له‌گه‌ڵ هه‌ردوو یه‌كێتیی تۆپی پێی نێوده‌وڵه‌تی و ئاسیا له‌ رێگای ئۆنلاینه‌وه‌ کردووە به‌ ئاماده‌ بوونی ( محه‌مه‌د فه‌رحان ) ئه‌مینداری گشتی ده‌سته‌كه‌.

ئه‌یاد بنیان سه‌رۆكی ده‌سته‌ی ئاسییكردنه‌وه‌ی یەکێتیی تۆپی پێی عێراق له‌ به‌یاننامه‌یەكیدا وتی:” كۆبوونه‌وه‌كه‌ ئیجابی بوو ، هه‌ردوو یه‌كێتیه‌كه‌ ستایشی هه‌وڵ و هه‌نگاوه‌كانی ده‌سته‌ی ئاساییكردنه‌وه‌یان كرد  له‌ سایه‌ی دۆخی نائاسایی و ناهه‌موار كه‌ عێراق تیایدا گوزه‌ر ده‌كات، ئەمەش به‌ هۆی ڤایرۆسی كۆرۆناوه‌ ، سوربوونیان له‌ سه‌ر ته‌واوكردنی ئه‌و ئه‌ركانه‌ی پێیان سپێردراوه‌  بۆ  به‌دیهێنانی ئامانجه‌ داواكراوه‌كان “.

هه‌روه‌ها بنیان وتی:” كۆبوونه‌وه‌كه‌ گفتوگۆیه‌كی فراوانی به‌خۆوه‌ بینی ده‌رباره‌ی هه‌ندێک بابه‌ت ، دیارترینیان گفتوگۆكردنی هه‌ندێک بڕگه‌ و هه‌موواركردنه‌وه‌ی تایبه‌ت  به‌ ڕه‌شنووسی یاسای بنه‌ڕِه‌تی یه‌كێتیی تۆپی پێی عێراقە”.

سه‌رۆكی ده‌سته‌ی ئاسییكردنه‌وه‌ روونیكرده‌وه‌:” یه‌كێتیی نێوده‌وڵه‌تی تۆپی پێ ره‌شنووسی یاسای بنه‌ڕه‌تی تایبه‌ت  به‌ یەكێتییه‌كانی شاره‌كان و یاسای هه‌ڵبژاردن ده‌نێرێت بۆ ده‌سته‌ی ئاساییكردنه‌وه‌ بۆ ئه‌وه‌ی له‌ هه‌فته‌ی داهاتوو گفتوگۆی له‌ سه‌ر بكرێت و نه‌خشه‌ رێگا بۆ ماوه‌ی داهاتوو دیاری بكرێت ، كه‌ بریتییه‌  له‌ كاته‌ پێویسته‌كان بۆ په‌سندكردنی یاسا بنه‌ڕه‌تییه‌كان و ئه‌نجامدانی هه‌ڵبژاردن “.

له‌ كۆتاییدا بنیان وتی:” بە پاڵپشتی هه‌ر دوو یه‌كێتیی نێوده‌وڵه‌تی و یه‌كێتیی  ئاسیا هانمان ده‌دات له‌ سه‌ر به‌رده‌وامبوون له‌ كاری راسته‌قینه‌  له‌گه‌ڵ ئه‌وه‌ی دۆخه‌كان به‌ شێوه‌یه‌ك بێت ، وێڕای ئەوه‌ی ڤایرۆسی كۆرۆنا بابه‌ته‌كانی ئاڵۆز كردووه‌  له‌ هه‌موو جیهان ، به‌ڵام دڵنیان  له‌ هه‌نگاوه‌كانمان  بۆ به‌ده‌ستهێنانی ئه‌و ئامانجه‌ی كه‌ ده‌سته‌ی ئاسییكردنه‌وه‌ له‌ پێناویدا درووست بووه‌ بۆ دروستكردنی بنه‌ما ته‌ندروستییه‌كان كه‌ له‌ داهاتوودا  تۆپی پێمان پشتی پێ ده‌به‌ستێت “.

 

 

بەشی بکە لە
Previous Next
Close
Test Caption
Test Description goes like this