کۆماری ئیسلامیی ئێران 6 گوندی سنووریی رۆژهەڵات بە دانیشتوانەکەی چۆڵدەکات

0
423

SNN

ئەنجومەنی باڵای ئاسایشی نیشتمانیی ئێران فەرمانێکی دەرکردووە بە چۆڵکردنی هەموو ئەو گوندانەی دەکەونە سنووری شاری سەردەشتی رۆژهەڵاتی کوردستانەوە.

ئەو سنوورانە ماوەیەکە رووبەڕووبوونەوەی چەکداریی تێدایە لەنێوان پاسدار و پێشمەرگەکانی رۆژهەڵاتدا.

ئامر فەوجی سوپای پاسداران هۆکاری بڕیارەکەی بۆ ئەوە گەڕاندۆتەوە کە ئەو 6 گوندە دەکەونە سنووری هێڵی سووری سەربازییەوە.

ئەنجومەنی باڵای ئاسایشی نیشتمانیی ئێران داواشیکردووە هەر گوندێکی تریش بکەونە ناو ئەو هێڵە سوورەوە، پێویستە هەرچی زووە چۆڵبکرێن.

کەمال حسێن پور نوێنەری شاری سەردەشت لە پەرلەمانی ئێران دەڵیت: “ناکرێت لەژێر هیچ پاساوێکدا خەڵکی ئەو گوندانە ئاوارە ببن”.

نامەیەکیشی ئاڕاستەی عەلی شەمخانی سکرتێری ئەنجومەنی ئاسایشی نیشتمانی ئێران کردووە و ناڕەزایی دەربڕیوە لەوبارەیەوە.

رێکخراوی هەنگاو بۆ مافەکانی مرۆڤ دەڵێت: “دابەشکردنی ناوچەی سنووری بۆ زەرد و سوور تەنیا بڕیارێکی ئەمنییەتییە و هیچ یاسایەکی پەسەندکرا و لەم بارەوە بوونی نییە”.

بەپێی یاسای بنەڕەتیی ئێران بابەتی پەیوەندیدار بە سنوورەکان لە چوارچێوەی دەسەڵاتی پەرلەماندایە ئەویش لە ژێر هەلومەرجێکی زۆر تایبەتدا.

بەشی بکە لە
Previous Next
Close
Test Caption
Test Description goes like this