لەسەر دواکەوتنی مووچە داوای لێپێچینەوە لە کازمی دەکرێت

0
531

SNN

پەرلەمانتارێکی فراکسیۆنی بەیاریق دەڵیت: “حکومەتی عێراق هیچ دەسکەوتێکی نەبووە شایانی باس بێت لەسەرەتایەوە تا ئێستا، داوا لە پەرلەمانیش دەکات لێکۆڵینەوە لە مستەفا کازمی سەرۆکوەزیران بکات بەهۆی دواکەوتنی زۆری دابەشکردنی مووچەوە”.

محەمەد خالیدی دەڵێت: “لە ماوەی 4 مانگی رابردوودا سەرەڕای پشتیوانیی نێودەوڵەتی و سیاسی بۆی، هێشتا وەک پێویست نییە و هیچ دەسکەوتێکی نەبووە جێی باس بێت”.

خالیدی دەشڵێت: “تائێستا حکومەت نەیتوانیوە مووچە دابەشبکات و بەهۆیەوە کابینەکەی کازمی 3 ملیار دۆلار قەرزی هاتووەتە سەر”.

ئەو پەرلەمانتارە راشیگەیاندووە “کە ئەم حکومەتە حکومەتی قەرزە نەک حکومەتی چاکسازی و داهات و نەهێشتنی گەندەڵی”.

ئاماژەی بەوەشکردووە، پێویستە پەرلەمان بە ئەرکی سەرشانی خۆی هەستێت و بانگهێشتی سەرۆکوەزیران بکات و لێی بپرسێتەوە کە بۆچی 40 رۆژە مووچە دواکەوتووە.

بەشی بکە لە
Previous Next
Close
Test Caption
Test Description goes like this