لیژنەی بەخاكسپاردنی مردووانی كۆرۆنا هەڵوەشایەوە و بەچەند مەرجێك تەرمەكان دەدرێنەوە كەسوكاریان

0
347

SNN-عەلی حەمە سەعید

جێگری بەرێوەبەری گشتیی تەندروستیی سلێمانی، ئاشكرایكرد ئەو لیژنەیەی كە تایبەت بوو سەرپەرشتی بە خاكسپاردنی مردووانی كۆرۆنایان هەڵوەشاوەتەوە و بە گوێرەی چەند مەرجێك تەرمی مردووەكان دەدرێتەوەبە كەسوكاریان بەخاكیان بسپێرن، هاوكات باس لە هۆكاری ئەو بڕیارەش دەكات.

د. هێرش سەید سەلیم، جێگری بەڕێوەبەری گشتیی تەندروستیی سلێمانی بە SNNی راگەیاند: دوای ئەوەی وەزارەتی تەندروستیی عێراق بڕیارێكی دەركرد كە تایبەت بوو بە پێدانەوەی تەرمی ئەو كەسانەی كە بەهۆی كۆرۆناوە گیانلەدەستدەدەن بدرێتەوە بە كەسوكاریان، ئێمەش پشتبەستن بەو بڕیارە ئەو لیژنەیەی كە تایبەت بوو بەسەرپەرشتی بەخاكسپاردنی مردووانی كۆرۆنا لە سلێمانی هەڵوەشاندەوە.

ئاماژەی بەوەشكرد، “لە ئێستادا تەرمی ئەوانەی بە كۆرۆنا گیانلەدەستدەدەن دەدرێتەوە بە كەسوكارەكانیان بەڵام مەرجێك تەرمەكان نەشۆردرێن و هەروەها گۆڕەكانیان لە گۆڕی مردووانی دیكەی ئاسایی قوڵتر بێت و لەهەمان كاتیشدا ڕێكاری تەواوی تەندروستیی لەكاتی بەخاكسپاردندا بگیرێتەبەر لەگەڵ ئەوەشدا ئەو كەسانەی كە بەكۆرۆنا گیان لەدەستدەدەن تەرمەكانیان دەكرێتە ناو كیسێكی تایبەت كە دژە بەكتریا و كەپسیشە”.

جێگری بەڕێوەبەری گشتی تەندروستیی سلێمانی ئەوەشی خستەڕوو، هۆكارێكی دیكەی هەڵوەشاندنەوەی لیژنەی بەخاكسپاردنی مردووانی كۆرۆنا لە سلێمانی بۆ ئەوە دەگەڕێتەوە كە پارەی پێویست بۆ دابینكردنی سەرجەم تێچووی بەخاكسپاردن لە بەردەستیی بەڕیوەبەرایەتییەكەماندا نەماوە، بۆیە پاڵپشت بە بڕیارێكی وەزارەتی تەندروستیی ئێمەش پێمان باشبوو كە تەرمی مردووەكان ڕادەستی كەسوكاریان بكەینەوە.

بەشی بکە لە
Previous Next
Close
Test Caption
Test Description goes like this