بافڵ تاڵەبانی پێشوازی لە باڵیۆزی یەکێتی ئەوروپا لە عێراق کرد

0
101

SNN

بافڵ تاڵەبانی، ھاوسەرۆکی یەکێتیی نیشتمانیی کوردستان لە مەکتەبی سیاسی لە سلێمانی پێشوازیکرد لە مارتن ھووس، باڵیۆزی یەکێتی ئەوروپا لە عێراق و ڤینسۆ گیۆم، پۆپۆ لێپرسراوی نووسینگەی پەیوەندییەکانی یەکێتی ئەوروپا لە هەرێمی کوردستان و پێی راگەیاندن: “یەکێتی خاوەن ستراتیژێکی یەکێتییانەیە”.

لە دیدارێکی دۆستانەدا دواین پەرەسەندنە سیاسییەکان و رووداوەکانی پەیوەست بەھەرێم و عێراق و رۆژھەڵاتی ناوەڕاست خرایە بەرباس و لە روانگەی سیاسەتی یەکێتی بۆچوونەکان خرانەڕوو .

لای خۆیەوە ھاوسەرۆکی یەکێتی بەوردی لەسەر پرسەکان روئیای یەکێتی روونکردەوە و رایگەیاند: سیاسەتی روون و نیشتمانیمان، بڕیاری گەڵاڵەکراوی یەکێتییە بۆ ھەموو ئەو بارودۆخانەی دێنە پێش و کاریگەرییان لەسەر ھەرێم ھەیە بۆ ئەوەش یەکێتیی نیشتمانیی کوردستان خاوەن ستراتیژێکی یەکێتییانەیە بە رەچاوکردنی دۆخی ناوچەکە و حکومڕانییەکی باشتر کە وەڵامدەرەوەی پێویستی و داخوازییەکانی ئەمڕۆی خەڵک بێت”.

ھەر لەدیدارەکەدا بافڵ تاڵەبانی رایگەیاند: “یەکڕیزی نیشتمانی و چاکسازی ریشەیی لە ئیدارەدان و دەوڵەتداری و دامەزراندنی وەحدەی نیشتمانی کوردستانی، دیدگامانە بۆ ھەرێمێکی ئاوەدانتر و عێراقی فیدڕاڵ کە شەراکەتی راستەقینە و دەستوور بنەمای پەیوەندییەکانمان بێت”.

بەشی بکە لە
Previous Next
Close
Test Caption
Test Description goes like this