چوار كه‌س به‌ تۆمه‌تى كوشتنى تازه‌ زاواكه‌ى هه‌ولێر ده‌ستگیر كران

0
1247
بارزان حوسێن، قوربانى | فۆتۆ: SNN

SNN ـ بڕیار محەمەد

وته‌بێژى به‌ڕێوه‌به‌رایه‌تى پۆلیسى هه‌ولێر ده‌ڵێت: چوار تۆمه‌تبارى رووداوه‌كه‌ى شه‌و‌ى رابردووى گه‌ڕه‌كى فه‌رمانبه‌رانى شارى هه‌ولێر ده‌ستگیر كراون، ئاماژه‌ به‌وه‌شده‌كات: “تا ئێستا هۆكارى سه‌ره‌كى رووداوه‌كه‌ دیار نییه‌”.

شەوی رابردوو لە گەڕەکی فەرمانبەرانی شاری هەولێر گەنجێک کە دوو مانگ پێش ئێستا پرۆسەی هاوسەرگیری پێکهێناوە بەناوی بارزان حوسێن كوژرا، بەوتەی شایەتحاڵان ” رووداوەکە لەسەر ئەوەبووە ماڵی دراوسێیەکی بارزان بەردەوام بە کۆڵان و شەقامەکانی ئەو گەڕەکەدا دەسووڕێنەوە، چەکیان بەدەستەوەیە و دوێنی شەویش ویستویانە راوی کۆتر و باڵندە بکەن لە نزیک ماڵی بارزان، باوکی بارزان پێیان دەڵێت: تکایە رووی چەکەکەتان مەخەنە لای ماڵی ئێمە، بەڵام لەسەر ئەو قسانە دەبێتە شەڕیان و لە ئەنجامدا بارزان کە نزیکەی دوو مانگە پرۆسەی هاوسەرگیری پێکهێناوە، دەکوژێت، لەهەمان شوێن و گەڕەک لەکاتی دروستبوونی ئەو کێشەیە هەمان ماڵ تەقە لە گەنجێکی تر دەکەن و ئەویش بریندار دەکەن”.

له‌باره‌ى رووداوه‌كه‌وه‌ ئه‌مڕۆ شه‌ممه‌ هۆگر عه‌زیز، وته‌بێژى به‌ڕێوه‌به‌رایه‌تى پۆلیسى هه‌ولێر له‌ كۆنگره‌یه‌كى رۆژنامه‌وانیدا رایگه‌یاند: ” له‌دوای‌ رووداوه‌كه‌وه‌ به‌ فه‌رمانی‌ عه‌مید دلێر نه‌جار، به‌ڕێوه‌به‌ری‌ پۆلیسی‌ هه‌ولێر گه‌ڕان و پشكنین ده‌ستیپێكرد، له‌ ئه‌نجامدا هه‌ر چوار تۆمه‌تبارى سه‌ره‌كى رووداوه‌كه‌ ده‌ستگیر كران”.

وتیشى: “هێشتا لێكۆڵینەوەكان بەردەوامن، بۆیە تا ئێستا روون نەبووەتەوە كە ئەو تاوانە بەهۆی كۆترێكه‌وه‌ بووە یا شتێكی تر”.

 

بەشی بکە لە
Previous Next
Close
Test Caption
Test Description goes like this