بە دانانی جلشۆری شکاو ناڕەزایی لە بەردەم ماڵی سەرۆکوەزیرانی ئیسرائیل دەردەبڕدرێت

0
242

SNN

بردنە دەرەوەی جکە چڵکنەکانی خۆیان بۆ ئەمریکا تا بەخۆڕایی بیشۆن، چالاکوانانی ئیسرائیل لە سەرۆکوەزیرانەکەیان تووڕە دەکات.

ژمارەیەک چالاکوانی ناڕازی لەبەردەم ماڵی بنیامین ناتانیاهۆ سەرۆکوەزیرانی ئیسرائیل بە دانانی جلشۆری شکاو لەبەردەم ماڵەکەیدا ئەو کارەی خۆی و هاوسەرەکەیان ئیدانە کرد کە کاتێک دەچنە ئەمریکا جلە چڵکنەکانی خۆیان دەبەنە ئەوێ و لەوێ بە خۆڕایی ئەیشۆن.

رۆژنامەی واشنتن پۆست پێشتر لە راپۆرتێکدا ئاشکرایکردبوو “سارە و ناتانیاهۆی هاوسەر کە دەچنە ئەمریکا لەشوێنی مانەوەی خۆیان جلە چڵکنەکانی خۆیان لە ئیسرائیلەوە دێنن تا بە خۆڕایی بۆیان بشۆرێت”.

رۆژنامەکە دەڵێت: “لەنێو فەرمانبەرانی کۆشکی سپیدا قسەیەک باوە کە دەڵێت: “کاتێک ناتانیاهۆ و سارەی هاوسەری دێنە ئەمریکا خەمیان لێیەت، چونکە دەبێت سێ بۆ چوار جانتا جلە چڵکنیان بۆ بشۆن، لەسەر حسابی کۆشکی سپی”.

رۆژنامەکە باسی ئەوەشیکردووە، کە لە نێو سەرۆکەکانی جیهاندا تەنها سەرۆکوەزیرانی ئیسرائیل و هاوسەرەکەی ئەو خووەیان هەیە و هەموو سەرانی تری دنیا ئەو خزمەگوزارییە رەتدەکەنەوە کە دەچنە ئەمریکا.

ساڵی 2018ش نیر هیفیتز وتەبێژی ناتانیاهۆ وتی: “خانمی یەکەمی ئیسرائیل هەموو کارێک دەکات تا پارە و خەرجی کەم سەرف بکات لە خۆیدا، هەموو جارێک کە دەچێتە ئەمریکا لەوێ جلەکانی خۆی و هاوسەرەکەی دەشوات”.

بەشی بکە لە
Previous Next
Close
Test Caption
Test Description goes like this