بایدن، ترەمپی رکابەری بە هاوشێوەی جۆزێف گۆبڵزی نازی ناودەبات

0
171

SNN

جۆ بایدن کاندیدی فەرمی پارتی دیموکراتی ئەمریکا بۆ هەڵبژاردنی داهاتوو، دۆناڵد ترەمپ هاوشێوەی جۆزێف گۆبڵز-ی سەرکردەی نازییەکانە ناودەبات، کە ناتوانێت لە روی تێڕوانینەوە بۆ سەرۆکایەتی وڵات رکابەری بکات، بۆیە پێشبینی دەکات لە دیبەیتەکەی ئەم هەفتەیەدا لە ڕووی کەسایەتییەوە هێرشی بکاتە سەر.

بایدن، جێگری سەرۆکی پێشووی ئەمریکا لە لێدوانێکی رۆژنامەوانیدا رایگەیاند، دۆناڵد ترەمپ، سەرۆکی ئەمریکا لە دیبەیتەکەدا دەتوانێت هێرشی راستەوخۆی بۆ سەر کەسایەتیم بکات، چونکە ئەو لەوە زیاتر هیچ توانایەکی دیکەی نییە، ترەمپ هێندە زیرەک نییە کە بتوانێت لەسەر سەلماندنی راستییەکان گفتوگۆ بکات، چونکە ئەو هیچ لە سیاسەتی ناوخۆ و دەرەوەی وڵات نازانێت و گرنگی بە وردەکارییەکانی نادات.

باسی لەوەشکرد، “ترەمپ هاوشێوەی جۆزێف گۆبڵز-ی سەرکردەی نازییەکانە، کە بۆماوەیەکی زۆر هەمان درۆ دوبارە دەکاتەوە، تا وای لێدەکات درۆکەی ببێت بە زانیارییەکی گشتی”.

بڕیارە 29ی ئەم مانگە هەریەک لە دۆناڵد ترەمپ و جۆ بایدن دیبەیتێکی تایبەن بە دۆسییەکانی ئابوری، سیاسی، کۆرۆنا و چەندین دۆسییەی دیکە ئەنجامبدەن.

بەشی بکە لە
Previous Next
Close
Test Caption
Test Description goes like this