حكومه‌تى هه‌رێم دان به‌ بڕوانامه‌ى زانكۆ تایبه‌ته‌كانى ناوچه‌ جێناكۆكه‌كاندا ده‌نێت

0
317
لۆگۆى حكومه‌تى هه‌رێمى كوردستان | فۆتۆ: SNN

SNN
سه‌رۆكایه‌تى ئه‌نجوومه‌نى وه‌زیران دان ده‌نێت به‌ بڕوانامه‌ى ده‌رچووانى زانكۆ تایبه‌ته‌كانى سنوورى پارێزگاى كه‌ركوك و ناوچه‌ كێشه‌ له‌سه‌ره‌كان، به‌ مه‌به‌ستى ئه‌وه‌ى راستاندن بكرێت بۆ ئه‌و فه‌رمانبه‌‌‌رانه‌ى كه‌ له‌و زانكۆیانه‌ بڕوانامه‌یان به‌ده‌ستهێناوه‌ و راژه‌كه‌یان له‌سه‌ر حكومه‌تى هه‌رێمه‌.

به‌پێى نووسراوێك كه‌ واژووى ئومێد سه‌باح، سه‌رۆكى دیوانى ئه‌نجوومه‌نى وه‌زیرانى حكومه‌تى هه‌رێمى له‌سه‌ره‌ و ئاراسته‌ى وه‌زاره‌تى خوێندنى باڵا و توێژینه‌وه‌ى زانستى حكومه‌تى هه‌رێم كراوه‌، “حكومه‌تى هه‌رێم ره‌زامه‌ندى ده‌ربڕیووه‌ له‌سه‌ر داننان به‌ بڕوانامه‌ى ده‌رچووانی زانكۆ تایبه‌ته‌كانى سنووری ناوچه‌ كوردستانییه‌كانی ده‌ره‌وه‌ی ئیداره‌ی هه‌رێم، ئه‌وانه‌ی تاكو ساڵی خوێندنی (2014 – 2015) وه‌رگیراون مه‌به‌ستی راستاندن بۆ بڕوانامه‌كانیان”.

له‌ نووسراوه‌كه‌دا باس له‌و كه‌سانه‌ كراوه‌ كه‌ له‌دواى ساڵى (2014 – 2015) بڕوانامه‌یان وه‌رگرتووه‌ و تێدا هاتووه‌، “پێویسته‌ وه‌زاره‌تی خوێندنی باڵای هه‌رێم و عێراق به‌یه‌كه‌وه‌ دیراسه‌ی ئه‌و بابه‌ته‌ بكه‌ن بۆ دۆزینه‌وه‌ی چاره‌سه‌رێكی گونجاو و به‌رزكردنه‌وه‌ی بۆ سه‌رۆكایه‌تی هه‌رێم به‌ مه‌به‌ستی بڕیاردان له‌سه‌ری”.

له‌ ماوه‌ى رابردوودا ژماره‌یه‌كى زۆر فه‌رمانبه‌رى ناوچه‌ جێناكۆكه‌كان له‌ زانكۆ تایبه‌ته‌كانى ئه‌و ناوچانه‌ بڕوانامه‌یان به‌ده‌ستهێناوه‌، به‌ڵام ئه‌م فه‌رمانبه‌رانه‌ كه‌ راژه‌كه‌یان له‌سه‌ر حكومه‌تى هه‌رێمه‌ راستاندن بۆ بڕوانامه‌كانیان نه‌كراوه‌.

 

ده‌قى نووسراوه‌كه‌

ده‌قى نووسراوه‌كه‌

بەشی بکە لە
Previous Next
Close
Test Caption
Test Description goes like this