هێمن هه‌ورامى: سه‌رۆكى حكومه‌ت له‌نێو په‌رله‌ماندا دۆخى دارایی و مووچه‌ تاوتوێده‌كات

0
75
هێمن هه‌ورامى، جێگرى سه‌رۆكى په‌رله‌مانى كوردستان | فۆتۆ: SNN

SNN – بڕیار محەمەد

جێگرى سه‌رۆكى په‌رله‌مانى كوردستان رایده‌گه‌یه‌نێت: هەفتەی داهاتوو دانیشتنی پەرلەمانى كوردستان بە ئامادەبوونی مه‌سرور بارزانی، سه‌رۆكى حكومه‌ت بەڕێوەدەچێت، ده‌شڵێت: “له‌ دانیشتنه‌كه‌دا یاسای چاکسازی، دۆخی دارایی، مووچە، ناوچە دابڕاوەکان، رێککەوتنی هەولێر و بەغدا و لێکەوتەکانی کۆرۆنا باسیان لێوه‌ده‌كرێت”.

ئه‌مڕۆ دووشه‌ممه‌ هێمن هه‌ورامى، جێگرى سه‌رۆكى په‌رله‌مانى كوردستان له‌ كۆنگره‌یه‌كى رۆژنامه‌وانیدا رایگه‌یاند: “ئێمە دوێنێ نووسراوی فەرمی ئەنجوومەنی وەزیرانمان پێگەیشت کەوا مه‌سرور بارزانى، سەرۆکی حکومەت داوای دانیشتنی کردووە، ئەو خاڵانەی لە نووسراوەکەی سەرۆکی ئەنجوومەنی وەزیراندا خراونەتەڕوو بۆ ئه‌وه‌ى باسى لێوه‌بكرێت بریتین له‌: جێبەجێکردنی یاسای چاکسازی، دۆخی دارایی، مووچە، ناوچە دابڕاوەکان، رێککەوتنی هەولێر و بەغدا و لێکەوتەکانی کۆرۆنا”.

وتیشى: “وەک دەستەی سەرۆکایەتی پەرلەمان ئەمڕۆ کۆبووینەوە و گفتووگۆمان کرد، هەفتەی ئایندە هەوڵدەدەین دانیشتن ئەنجام بدەین بە ئامادەبوونی سەرۆکی حکومەت”.

هێمن هه‌ورامى ئه‌وه‌شى خسته‌ڕوو: “بڕیارە سەرۆک و جێگری سەرۆکی حکومەت و وەزیری دارایی و چەند بەرپرسێکی تری پەیوەندیدار بەشداربن”.

باسی لەوەشکرد: “بەپێی پەیڕەو مامەڵە لەگەڵ هەموو بابەتەکان دەکەن، یاداشتی پرساندن و داواکاری سەرۆکی حکومەت دوو بابەتی لێکجیاوازن”.

بەشی بکە لە
Previous Next
Close
Test Caption
Test Description goes like this