باڵیۆزی ئەرمینیا: تورکیا چەکدارانی سووری بۆ ئازەربەیجان گواستووەتەوە

0
613

SNN

باڵیۆزی ئەرمینیا لە رووسیا رایگەیاند، تورکیا نزیکەی چوار هەزار چەکداری سووری بەگرێگیراوی لە باکووری سوریاوە بۆ ئازەربەیجان گواستووەتەوە تا لە شەڕی ناگۆرنۆ کاراباخ-دا بەشدارییان پێبکرێت.

لەلایەکی دیکەوە روانگەی سوری بۆ مافەکانی مرۆڤ دووپاتیکردووەتەوە کە چەکدارانی سوری نزیک لە تورکیا بۆ ئازەربەیجان گواستراونەتەوە، ئەوەشی ئاشکراکردووە، چەکدارەکان سەر بە هەردوو گروپی سوڵتان موراد و عەمشات-ن، پێشترر لە گوند و شارۆچکەکانی عەفرین جێگیرکرابوون.

بە گوێرەی ئەو زانیارییانەی کە دەست روانگەکە کەوتووە، ئەو چەکدارانە هەر یەکەیان لە بەرامبەر هەزار و 500 بۆ دوو هەزار دۆلار شەڕیان پێدەکرێت.

ئەمە لەکاتێکدایە حیکمەت حاجییف جێگری سەرۆکی ئازەربەیجان رەتیدەکاتەوە کە هاوکاری لە تورکیا وەرگرتبێت.

لە دوای دەستپێکردنی شەڕ و ئاڵۆزییەکانی نێوان ئەرمینیا و ئازەربەیجان، تورکیا پشتیوانی خۆی بۆ ئازەربەیجان نیشاندا و رایگەیاند، بە هەر شێوازێک بخوازن هاوکارییان دەکەن.

بەشی بکە لە
Previous Next
Close
Test Caption
Test Description goes like this