وێنه‌:له‌ یه‌كه‌م تاقیكردنه‌وه‌یدا پێشمه‌رگه‌ی سلێمانی بردنه‌وه‌ تۆمار ده‌كات

0
330
دیمەنێک لە یاریەکە

ئه‌رده‌ڵان محه‌مه‌د – SNNsport

له‌دووه‌م یارى خولى تازه‌پێگه‌یشتووانى یانه‌كانى كوردستان كه‌ له‌شارى سلێمانى ئه‌نجام ده‌درێت، پێشمه‌رگه‌ى سلێمانى له‌یه‌كه‌م تاقیكردنه‌وه‌یدا  بردنه‌وه‌ تۆمار ده‌كات.

به‌ڕێوەبه‌رایه‌تى لاوانى سلێمانى بۆ زیاتر گرنگیدان به‌ئاستى لاوان و گه‌نجان خولێكى تۆپی پێى بۆ تازه‌پێگه‌یشتووانى یانه‌كانى كوردستان به‌به‌شدارى چوار یانه‌ كردووەته‌وه‌ و له‌دووه‌م یاری خوله‌كه‌شدا  پێشمه‌رگه‌ى سلێمانى و كۆیه‌ به‌یه‌ك گه‌یشتن.

گێمی یه‌كه‌می یاریه‌كه‌ به‌ به‌هێزی یاریزانانى پێشمه‌رگه‌ ده‌ستى پێكرد، به‌جۆرێك كه‌ زۆرترین هه‌لى گۆڵكردنیان بۆ هه‌ڵكه‌وت، به‌ڵام گۆڵپارێزی یانه‌ى كۆیه‌ رێگربوو له‌به‌رده‌م هه‌وڵه‌كان.

گێمى دووه‌م به ‌پێچه‌وانه‌وه‌ یانه‌ى پێشمه‌رگه‌ سوودی له‌ هێرشه‌كانی بینی بۆ سه‌ر گۆڵی كۆیه‌ به‌جۆرێك توانییان دوو گۆڵ تۆماربكه‌ن له‌ رێگه‌ی كامۆ به‌كرو شكار ئه‌كبه‌ر له‌خوله‌كه‌كانى 69 و 81.

دوای ئه‌و دوو گۆڵه‌ یانه‌ى كۆیه‌ زۆر هه‌وڵیدا بۆ یه‌كسانكردنه‌وه‌ى ئه‌نجامه‌كه‌، به‌ڵام بێ ئاكام بوو.

له‌كۆتاییشدا یاریه‌كه‌ به‌دوو گۆڵی بێ به‌رامبه‌ر به‌سوودى پێشمه‌رگه‌ى سلێمانى كۆتاى هات.

سامی عه‌بدوڵڵا یاریزانی یانه‌ی پێشمه‌رگه‌ی سلێمانی ئه‌وه‌ی خسته‌ڕوو:” كردنه‌وه‌ی ئه‌م خوله‌ له‌م كاته‌دا بۆ ئێمه‌ زۆر گرنگی هه‌یه‌، چونكه‌ له‌چه‌ند مانگی داهاتوو خوله‌كانی كوردستان ده‌ستپێده‌كات وه‌ك ئاماده‌كاریش وایه‌ بۆ خولی كوردستان، هه‌روه‌ها سوودێكی تری هه‌یه‌ بۆ پێشكه‌وتنی خۆمان و پێگه‌یاندنی یاریزان، هه‌رچه‌نده‌ له‌ ماوه‌ی رابردوو به‌هۆی وه‌ستانی مه‌شقه‌كان و یارییه‌كان كاریگه‌ری له‌سه‌ر یاریزانان دروست كردبوو، به‌لام ئێمه‌ به‌رده‌وام بووین له‌ مه‌شقه‌كانمان له‌رێگه‌ی راهێنه‌ره‌كه‌مانه‌وه”.

ئه‌حمه‌د خه‌سره‌و یاریزانی یانه‌ی كۆیه‌ رایگه‌یاند:” به‌هۆی وه‌ستانی یارییه‌كانی خولی تازه‌پێگه‌یشتووان و لاوانی یانه‌ نایابه‌كان و پله‌یه‌كانی كوردستان، كردنه‌وه‌ی ئه‌م خوله‌ له‌م كاته‌دا زۆر سوودی هه‌یه‌ بۆ یاریزانان و یانه‌كه‌مان، له‌به‌رئه‌وه‌ی وه‌ك ئاماده‌كاریه‌كیش واده‌بێت بۆ خوله‌كانی كوردستان، بۆیه‌ داواش ده‌كه‌م كه‌ یه‌كێتیی تۆپی پێی كوردستان به‌رده‌وامی بدات به‌كردنه‌وه‌ی خوله‌كان”.

بڕیاره‌ له‌ سێیه‌م یارى خوله‌كه‌دا هه‌ردوو یانه‌ى ئاشتى و كۆیه‌ به‌یه‌ك بگه‌ن و دۆڕاوه‌یان ماڵئاوای له‌ خوله‌كه‌ ده‌كات.

بەشی بکە لە
Previous Next
Close
Test Caption
Test Description goes like this