کار بۆ دارشتنەوەی رێکارەکانی دادنووسی لە هەرێمی کوردستان دەکرێت

0
138

SNNـ بڕیار محەمەد

وەزارەتی دادی حکومەتی هەرێمی کوردستان بەهاوکاری رێکخراوی–USAID کۆنفراسێکیان لە ژێر ناونیشانی “دووبارە داڕشتنەوەی رێکارەکانی دادنووسی لە هەرێمی کوردستان” سازدەکات و بڕیارە بۆ ماوەی دوو ڕۆژ بەردەوامی هەبێت.

ئازاد ڕۆستەم، بەڕێوەبەری گشتی فەرمانگەکانی داد لەکۆنگرەیەکی ڕۆژنامەنووسیدا ڕایگەیاند: دووبارە داڕشتنەوەی ڕێکارەکانی مامەڵەکان لە فەرمانگەکانی دادنوسی، ئەرکی لەپێشینەیانە و وەک دەزانن یاسای دادنوسان کە لەهەرێمی کوردستان جێبەجێ دەکرێت، هاووڵاتییان زۆر پێویستیان بە فەرمانگەکانی دادنوسیە، لەهەموو حاڵەتێک ماوە ماوە دەبێت چاو بەداڕشتنەوە و پڕۆسەکان بخشێنینەوە بزانین کەم و کوڕیەکان چین و کێشە وگرفتەکانی هەن بتوانین دووبارە ڕێگاچارەیان بۆ بدۆزینەوە.

وتیشی، “ئێمە پێویستمان بەپاڵپشتی زیاترە لەڕووی یاسایی و داڕشتنەوەیان، داوا لە USAID دەکەین هاوکارمان بن بۆ پێداچوونەوە بە داڕشتنەوەی یاساکان لەسەرجەم بوارەکان و ڕێکارەکانی لە فەرمانگە دادیەکان بەڕێوەدەچێت”.

ئاماژەی بەوەش کرد، ئامانجی حکومەتی هەرێم خزمەتکردنی هاووڵاتییانە، بەبەرنامەیەکی باش دەربچین و پێشنیاری باش بخرێنەڕوو بۆدووبارە چاککردنەوە و داڕشتنەوەی بەرنامەکانی فەرمانگە دادنوسیەکان، لەهەمانکاتدا USAID هاوکار وپاڵپشتمان بێت.

بەشی بکە لە
Previous Next
Close
Test Caption
Test Description goes like this