سەرۆکایەتی یەکێتی پرسەنامەیەک ئاراستەی میری کوێت دەکات

0
402

SNN

بەبۆنەی کۆچی دوایی شێخ سوباح ئەلئەحمەد سەباح میری کوێت سەرۆکایەتیی یەکێتیی نیشتمانیی کوردستان پرسەنامەیەک ئاڕاستەی شێخ نەواف ئەلئەحمەد دەکات کە ئەمەی خوارەوە دەقەکەیەتی:

بەڕێز جەنابی شێخ نەواف ئەلئەحمەد جابر ئەلسوباح میری دەوڵەتی کوێت:

هەواڵی کۆچی دوایی خوالێخۆشبوو شێخ سوباح ئەلئەحمەد جابر ئەلسەباح-مان بە نیگەرانییەکی قوڵەوە پێگەیشت.

پرسە و سەرەخۆشیی خۆمان دەردەبڕین لەڕێگەی جەنابتانەوە بە بنەماڵەی بەڕێزیان و گەلی کوێتی برا و داواکارین لە یەزدانی مەزن لە کۆچکردوو خۆشبێت و ئارامی و سەبووریش بە ئێوە ببەخشێت.

لەم بۆنە خەمناکەدا جەخت لە پەرەپێدانی برایەتیی هەمیشەییمان دەکەینەوە کە لەنێوان میری کۆچکردوو و جەنابی مام جەلالدا هاتۆتە ئاراوە خوا لێیانخۆشبێت. هەمیشەش بە شانازییەوە یادی ئەو هەڵوێستە مەردانانەی میری کۆچکردوو دەکەینەوە کە هەوڵی بۆ داوە لەنێوان گەلی ئێمە و کوێتدا بۆ رەخساندنی خۆشەویستی و برایەتی و ئاشتی.

خوای گەورە کوێت و گەل و سەرکردایەتییەکەی بپارێزێت.

إنا لله وإنا إليه راجعون.

بەشی بکە لە
Previous Next
Close
Test Caption
Test Description goes like this