داعش لەسنووری مەخمور خانووی پێشمەرگەیەک دەتەقێنێتەوە

0
293

SNNـ بڕیار محەمەد 

ژمارەیەك چەكداری داعش لە سنووری مەخموور هێرشیانکردە سەر ماڵی پێشمەرگەیەكی مەڵبەندی هەولێری یەكێتی و دوای سووتاندنی، خانووەكەیان تەقاندەوە.

غازی فیسەڵ خاوەنی خانووەکە  بە SNNی ڕاگەیاند “شەهید بوون و خانوو تەقاندنەوە نامانترسێنێ، بەڵام چاوپۆشی و بێ هەڵوێستیی حکومەتی هەرێم لە داعش جێگەی گومانە، دوای چوار ساڵ بەرگری لەگەڵ ئەو پۆلە جوتیار و پێشمەرگە خۆبەخشە دوای چوار ساڵ پاڕانەوە و هانابردن لە کابینەی هەشت و نۆ،توانیم خانوویەک بۆ خۆم بکەم”.

وتیشی: “دوای چوار ساڵ تاڵی و سوێری و خۆڕاگریمان لە بناری چیای قەرەچوغ، ئەمڕۆ کاتژمێر 5 ی بەیانی چەکدارانی داعش لە بناری شاخی قەرەچوغ ئاگریان لە خانووەکەم بەردا و بۆمبێکیشیان پێدا تەقاندەوە بێجگە لەو کارەشیان، دەغڵ و دانی وەرزی دروێنەی کەس و کاریشمیان سووتاند”.

ئەوەشی خستەڕوو، ئەو کردەوە تیرۆرستییەی داعش نە دەمانترسێنێ نە ساردمان دەکاتەوە لە پارێزگاری لەو سنوورە خۆڕاگر و بەردەوامدەبین لە پاراستنی سنورەکانمان.

گوندی عەلیە ڕەش دەکەوێتە رۆژئاوای قەزای مخمور لە ساڵی 2016 لەلایەن هێزە عێراقییەکانەوە ڕزگار كرا و نزیكەی 70 چەكداری داعش تێیدا كوژران.

بەشی بکە لە
Previous Next
Close
Test Caption
Test Description goes like this