به‌هۆى مردنى مێردمنداڵێك له‌دواى نه‌شته‌رگه‌رى 3 پزیشك له‌ كه‌لار ده‌ستگیر ده‌كرێن

0
2759
محه‌مه‌د عه‌لى، قوربانى | فۆتۆ: SNN

SNN – سیروان حه‌سه‌ن

دواى ئه‌وه‌ى له‌كاتى نه‌شته‌رگه‌رى مێردمنداڵێكى ته‌مه‌ن 15 ساڵ له‌ نه‌خۆشخانه‌ى كه‌لار گیان له‌ ده‌ستده‌دات، له‌ لایه‌ن دادوه‌ره‌وه‌ دوو پزیشك و دوو یاریده‌ده‌رى پزیشكى ده‌ستگیر ده‌كرێن.

به‌پێى زانیارییه‌كانى SNN كه‌ له‌ نه‌خۆشخانه‌ى گشتى كه‌لار وه‌ریگرتوون، “شه‌وى رابردوو له‌ به‌شى نه‌شته‌رگه‌رى نێو نه‌خۆشخانه‌ى كه‌لار له‌كاتێكدا نه‌شته‌رگه‌رى بۆ مێردمنداڵێكى ته‌مه‌ن 15 ساڵ كراوه به‌ناوى محه‌مه‌د عه‌لى،‌ دواتر هۆشى نه‌هاتووه‌ته‌وه‌ و له‌ئه‌نجامدا گیانى له‌ ده‌ستداوه‌”.

هه‌ر به‌پێى زانیارییه‌كان، “له‌سه‌ر سكاڵاى كه‌سوكاره‌كه‌ى پزیشكى نه‌شته‌رگه‌ریی د. نه‌به‌ز محه‌مه‌د، پزیشكى بێهۆشكار د. ئه‌حمه‌د یاسین و دوو یاریده‌ده‌رى پزیشكى ده‌ستگیركراون و ئێستا له‌ زینداندان”.

ئاراز ئه‌حمه‌د، ناسیاوى نزیكى ئه‌و مێردمنداڵه‌ به‌ SNNى راگه‌یاند: “نه‌خۆشه‌كه‌مان شكاوى له‌ ده‌ستى هه‌بووه‌ و پێویستى به‌وه‌ هه‌بووه‌ نه‌شته‌رگه‌رى بۆ بكرێت و ده‌ستى رێكبكرێته‌وه”‌.

وتیشى: “شه‌وى رابردوو له‌ كاتێكدا نه‌شته‌رگه‌رى بۆ كراوه‌ دواى ته‌واوبوونى بۆ ماوه‌ى دوو خوله‌ك هۆشى هاتووه‌ته‌وه‌‌، به‌ڵام دیسانه‌وه‌ بێهۆش بووه‌ته‌وه‌ و هه‌رچه‌نده‌ پزیشكه‌كان هه‌وڵیان له‌ گه‌ڵداوه‌، به‌ڵام سوودى نه‌بووه‌ و گیانى له‌ ده‌ستداوه‌”.

 

 

بەشی بکە لە
Previous Next
Close
Test Caption
Test Description goes like this