پزیشکان و کارمەندانی تەندروستی شارەزوور بایکۆتی دەوامیان راگەیاند

0
350

عەلی حەمەسەعید-SNN

بەهۆی دواكەوتن و پێنەدانی مووچەکانیان لە 30 ڕۆژ جارێک، دوابەدوای بایکۆتی پزیشکانی نیشتەجێی خولاو کارمەندانی تەندروستی شارەزوور بایکۆتی دەوامیان راگەیاند.

ڕێبین حەسەن، لێپرسراوی کارگێڕی لە نەخۆشخانەی گشتی شەهید ڕەئوف بەگ لە قەزای شارەزوور بە SNN ی راگەیاند: بەهۆی خەرجنەکردنی مووچە و دواکەوتنی، ماوەی هەفتەیەكە پزیشکانی نیشتەجێی خولاوی نەخۆشخانەکەمان بایكۆتی دەوامیان دەستپێکردووە، ئەمڕۆش کارمەندانی تەندروستی بەهەمان شێوە بایکۆتی دەوامییان دەستپێکردووە.

ئاماژەی بەوەشکرد، نەخۆشخانەی گشتی شەهید ڕەئوف بەگ تاكە نەخۆشخانەی 24 كاتژمێرییە لە سنووری قەزای شارەزوور، کە نەخۆشانی سنوورەکە هانای بۆ دەهێنن، ئەم دۆخەی ئێستاش بەسەر کەرتی تەندروستیدا هاتووە، هاووڵاتییان لێی زەرەرمەند دەبن، دەبێت بەناچاری ڕوو لە نۆرینگە ئەهلییەکان بکەن.

بەڕێوەبەری کارگێڕی نەخۆشخانەی گشتی شەهید ڕەئوف بەگ ئەوەشی خستەڕوو، پزیشکان و کارمەندانی تەندروستی سوورن لەسەر داواکاریی خۆیان بە دابەشکردنی مووچە لە 30 ڕۆژ جارێک، بەپێچەوانەوە بایکۆت دەکەن بۆیە دەبێت حکومەت بیر لە چارەسەرێکی بنبڕ بکاتەوە چونکە ناکرێت کەرتی تەندروستی بەوجۆرە پشتگوێ بخرێت.

 

بەشی بکە لە
Previous Next
Close
Test Caption
Test Description goes like this