پاسەوانە تایبەتەکەی ترەمپ تووشی کۆرۆنا بوو

0
393

SNN

رۆژنامە ئەمریکییەکان بابەتێکیان ورووژاندووە و تیایدا ئاشکرایانکردووە “بەپێی پشکنینەکان کە بۆی کراوە، دەرکەوتووە پاسەوانێکی تایبەتیی سەرۆکی ئەمریکا تووشی کۆرۆنا بووە”.

 

تۆڕی سی ئێن ئێن بڵاویکردۆتەوە “سەرچاوەکانی ناو کۆشکی سپی ئاشکرایانکردووە یەکێک لە کارمەندانی هێزی دەریایی ئەمریکا دەرکەوتووە تووشی کۆرۆنا بووە کە یەکێکە لەپاسەوانە تایبەت و شەخسییەکانی دۆناڵد ترەمپ، بێئەوەی ناسنامەکەی ئاشکرا بکرێت”.

 

تۆڕی سی ئێن ئێن ئاماژەی بەوداوە “کە ئەگەری هەیە سەرۆکیش تووشی ڤایرۆسی کۆرۆنا بووبێت”.

 

بەگوێرەی میدیاکان، ئەو پاسەوانە یەکێکە لە پاسەوانە سەرەکییەکانی کۆشکی سپی و لەنزیک سەرۆک و خانەوادەکەشییەوە کار دەکات.

 

بەگوێرەی میدیا نزیکەکان لەکۆشکی سپییەوە رۆژی چوارشەممە کاتێک سەرۆک بیستوێتی ئەو پاسەوانەی تووشی کۆرۆنا بووە، بێزاریی پێوە دیار بووە و جارێکی دیکە چووە بۆ پشکنین.

 

کاری دەستەی پاسەوانی کۆشکی سپی، چەند ئەرکێکە کە پاراستنی سەرۆک و خانەوادەکەیەتی و بەرپرسیارن لە چۆنێتیی خواردن و خواردنەوەکان و گەشتکردن بۆ دەرەوە و هەندێک کاری تری تایبەت.

بەپێی زانیارییەکان ئەو کەسەی تووش بووە، کایت چیلەر-ە کە پاسەوانی زۆر نزیکی دۆناد ترەمپ سەرۆکی ئەمریکایە و دەوترێت وەک سێبەر وایە بەدوایەوە.

بەشی بکە لە
Previous Next
Close
Test Caption
Test Description goes like this