وەزیرێکی پێشووی عێراق دکتۆراکەی لە دوکانێکی پیتزا وەرگرتووە

0
318

SNN

وەزیری پێشووی وەرزش و لاوانی عێراق بڕوانامەی دکتۆراکەی لە دوکانێکی دروستکردنی پیتزاوە وەرگرتووە لە شارێکی دانیمارک.

برایان ویتاکەر تایبەتمەند لە بواری خۆرهەڵاتی ناوەڕاست لە رۆژنامەی گاردیان نووسیوێتی “ئەحمەد عوبێدی” وەزیری پێشووی وەرزش و لاوانی عێراق بڕوانامەی دکتۆراکەی لە ئەکادیمیای (بۆرگ) وەرگرتووە کە لە بنەڕەتدا ئەو براندە خاوەندارێتییەکەی بۆ چێشتخانەیەکی پیتزا دەگەڕێتەوە.

دەشڵێت: “ئەو براندە و ئەو کۆمپانیایەی بڕوانامەکەی بەخشیوەتە عوبێدی، لەناو دانیمارک باوەڕپێکراو نییە و لقێکی دەکەوێتە ناوچەی (فریکشهاون) لە دانیمارک”.

ئەو کۆمپانیایە پێشتر بڕوانامەی داوەتە زۆرێک لە سیاسییە عێراقییەکان و فشاریش لە وەزارەتی خوێندنی باڵای عێراق دەکات تا بڕوانامەکان پەسەند بکات.

ئەکادیمیا دانیمارکییەکە ساڵی 2018 و 2019 دوو جار لەگەڵ وەزارەتی خوێندنی باڵای عێراق کۆبووەتەوە و رایگەیاندووە کە گرێبەستی لەگەڵ هەریەک لە زانکۆکانی بەغدا و بابل و موستەنسریە هەیە.

بەشی بکە لە
Previous Next
Close
Test Caption
Test Description goes like this