پەرلەمانتارێکی یەکگرتوو: هاتنی سەرۆکی حکومەت بۆ پەرلەمان هیچ لە دۆخەکە ناگۆڕێت

0
406
دانیشتنێکى پەرلەمانی کوردستان | فۆتۆ: نووسینگەى راگەیاندنى پەرلەمان

SNN-بڕیار محەمەد

ئەندامێکی فراکسیۆنی یەکگرتووی ئیسلامی کوردستان رایدەگەیەنێت: “هاتنی سەرۆکی حکومەت بۆ پەرلەمانی کوردستان هیچ لە دۆخەکە ناگۆڕێت، چونکە ئەو بابەتانەی ئەو باسی دەکات دەمێکە لە میدیاکان بڵاوکراونەتەوە”.

ئیسماعیل عەلی، ئەندامی فراکسیۆنی یەکگرتووی ئیسلامی لە پەرلەمانی کوردستان بە SNNی راگەیاند: “بڕیارە رۆژی دووشەممە سەرۆکی حکومەتی هەرێمی کوردستان بێتە پەرلەمانی کوردستان، بەڵام بەداخەوە هاتنی ئەو هیچ لە دۆخەکە ناگۆڕێت و ئەو بابەتانەی ئەویش باسی دەکات دەمێکە لە میدیاکان بڵاوکراونەتەوە، نەک ئێمەی پەرلەمانتاران بەڵکو هەموو هاووڵاتییەک ئەو زانیاریانەی سەرۆکی حکومەت باسی دەکات دەیزانێت”.

وتیشی: “هاتنی سەرۆکی حکومەت بۆ پەرلەمانی کوردستان هیچ لە هەڵوێستی ئێمە ناگۆڕێت کە لە رابردوو واژوومان بۆ پرساندنی سەرۆکی حکومەت و جێگرەکەی کردوە، هیوادارین سەرۆکی پەرلەمانی کوردستانیش بابەتەکان تێکەڵاوی یەکتر نەکات”.

بڕیار وایە رۆژی دووشەممە کاتژمێر 10 پەرلەمانی کوردستان کۆبوونەوەیەکی تایبەت بە بەشداری مسرور بارزانی و قوباد تاڵەبانی و ئاوات شێخ جەناب ئەنجام بدات و بۆ خستنەڕووی راپۆرتی چاکسازی و دۆخی دارایی کوردستان و چۆنیەتی دەربازبوون لەو قەیرانانە تاوتوێ بکەن .

 

بەشی بکە لە
Previous Next
Close
Test Caption
Test Description goes like this