تەندروستی سلێمانی چەند رێنماییەکی بۆ کردنەوەی مزگەوتەکان راگەیاند

0
583

بەڕێوەبەرایەتی گشتی تەندروستیی سلێمانی چەند رێنماییەکی بۆ کردنەوەی مزگەوتەکان راگەیاند تا رێگری لە بڵاوبوونەوەی زیاتری نەخۆشی کۆرۆنا بکرێت.

بەڕێوەبەرایەتی گشتی تەندروستیی سلێمانی لە راگەیەندراوێکیدا داوایکردووە، دەستنوێژگرتن لەناو مزگەوتەکاندا نەکرێت.

ئەوەشی خستووەتەڕوو: “پێویستە نوێژخوێنان لەکاتی چوونیاندا بۆ مزگەوت بەرماڵی تایبەتی خۆیان بهێنن، هاوکات دەبێت ماوەی نێوان نوێژخوێنان لە یەک مەتر کەمتر نەبێت”.

تەندروستی سلێمانی داوا دەکات، “تا بتوانرێت ماوەی وتاری نوێژی هەینی کەم بکرێتەوە و نوێژی تەراویح کەمترینیان بێت”.

ئەمە لەکاتێکدایە دوێنێ وەزارەتی ئەوقاف و کاروباری ئاینی حکومەتی هەرێمی کوردستان رایگەیاند، رۆژی دووشەممە مزگەوتەکان دەکرێنەوە.

 

بەشی بکە لە
Previous Next
Close
Test Caption
Test Description goes like this