سوید منداڵانی داعش لە سوریاوە دەگێڕێتەوە بۆ وڵاتەکەی

0
136

SNN

حکومەتی سوید وەفدێکی ناردۆتە سوریا بەمەبەستی گێڕانەوەی ئەو منداڵە سویدییانەی لە کامپەکانی گیراوانی داعش لە باکووری رۆژهەڵاتی سوریا دەستبەسەر کراون.

رۆژنامەی ئێکسپرێسی سویدی و پێگەی کۆمبس بڵاویانکردۆتەوە “وەفدەکە لە وەزارەتی دەرەوەی سوید پێکهاتووە و ئەوان سەرپەرشتی پرۆسەی گێڕانەوەکە دەکەن”.

ساڵی پاریش وەفدێکی هاوشێوە لە سویدەوە گەیشتنە سوریا و 7 منداڵی مایکل سکراومۆ-ی چەکداری داعشیان لەگەڵ خۆیان بردەوە.

حکومەتی سوید ئەمجارە قسە لەگەڵ خانەوادەی ئەو داعشانەدا دەکات و دەیەوێت رەزامەندی ئەوان وەربگرێت تا مناڵەکانیان بگێڕنەوە بۆ سوید.

یەکێک لەو کامپانەی منداڵەکانی داعشیان تێدایە، کامپی هۆڵ-ە دەکەوێتە پارێزگای حەسەکە لە رۆژئاوای کوردستان، نزیکەی 68 هەزار لە کەسوکاری چەکدارانی داعش تێیدا دەژین، کە خەڵکی سووریا و عێراق و وڵاتانی دیکەی جیهانی تێدایە، لەوانەش 43 هەزاریان منداڵن.

بەشی بکە لە
Previous Next
Close
Test Caption
Test Description goes like this