ئێران مۆڵه‌تى فڕینى كۆمپانیاى هێڵى ئاسمانى عێراقى هه‌ڵوه‌شانده‌وه‌

0
112
فڕۆكه‌یه‌كى هێڵى ئاسمانى عێراقى | فۆتۆ: Wathiq Khuzaie/Getty Images

SNN
سه‌رۆكى هێڵى ئاسمانى مه‌ده‌نى ئێران رایگه‌یاند: مۆڵه‌تى فڕینى كۆمپانیاى هێڵى ئاسمانى عێراقیمان هه‌ڵوه‌شانده‌وه، وتیشى: “كۆمپانیاى هێڵى ئاسمانى عێراق سه‌رپێچى یاساكانى گواستنه‌وه‌ى گه‌شتیارانى كردووه‌”.

تۆریج ده‌هقان زه‌نگه‌نه‌، ‌سه‌رۆكى هێڵى ئاسمانى مه‌ده‌نى ئێران كه‌مێك له‌مه‌وبه‌ر رایگه‌یاند: “له‌به‌ر ئه‌وه‌ى كۆمپانیاى هێڵى ئاسمانى عێراق سه‌رپێچى یاساكانى گواستنه‌وه‌ى گه‌شتیارانى كردووه‌، مۆڵه‌تى فڕینه‌كه‌یمان هه‌ڵوه‌شانده‌وه‌”.

وتیشى: “بۆ له‌مه‌ولا ته‌نیا ئه‌و گه‌شتیارانه‌ى كه‌ له‌ عێراق و ئێران مافى مانه‌وه‌یان هه‌یه‌ به‌پێى ئه‌و گرێبه‌سته‌ى له‌نێوان ئێمه‌ و هێڵى ئاسمانى عێراق هه‌یه‌ مافى گه‌شتكردنیان هه‌یه‌”.

هه‌ڵوه‌شاندنه‌وه‌ى مۆڵه‌ته‌كه‌ له‌كاتێكدایه‌ كه‌ له‌ ماوه‌ى رابردوودا ڤیديۆیه‌ك له‌نێو نووسینگه‌ى هێڵى ئاسمانى عێراق له‌ ئێران بڵاوبووه‌وه‌ كه‌ تێیدا كارمه‌نده‌كان له‌گه‌ڵ چه‌ند گه‌شتیارێك شه‌ڕى ده‌سته‌ و یه‌خه‌ ده‌كه‌ن و به‌و هۆیه‌وه‌ دۆخێكى نه‌خوازراو دروستبووه‌.

بەشی بکە لە
Previous Next
Close
Test Caption
Test Description goes like this