له‌ گه‌رمیان ژماره‌یه‌ك كارمه‌ندى ته‌ندروستى به‌ گرێبه‌ست دامه‌زرێندران

0
617

SNN- سیروان حه‌سه‌ن

له‌ سنوورى گه‌رمیان ژماره‌یه‌ك كارمه‌ندى ته‌ندروستى به‌ گرێبه‌ست له‌ نه‌خۆشخانه‌كانى كۆرۆنا دامه‌زرێندران و له‌ لایه‌ن رێكخراوێكى ئه‌ڵمانییه‌وه‌ هاوكارى ماددیان پێده‌درێت.

بێستوون ژاڵه‌یى به‌ڕێوه‌به‌رى كاروباره‌ مرۆییه‌كانى ئیداره‌ى گه‌رمیان به‌ SNNى راگه‌یاند: ئه‌مڕۆ یه‌كشه‌ممه‌ 4ى تشرینی یەکەمی 2020 له‌ چوارچێوه‌ى پرۆژه‌یه‌كى نووسینگه‌ى هاوبه‌شی هه‌ماهه‌نگى قه‌یرانه‌كانى ئیداره‌ى گه‌رمیاندا، كه‌ توانیویانه‌ له‌ رێگه‌ى ئه‌و پڕۆژه‌یه‌‌ 15 كارمه‌ندى ته‌ندروستى كه‌ پێشتر به‌ شێوازى خۆبه‌خش كاریان كردووه‌ بكرێن به‌ گرێبه‌ست.

وتیشى: “ئه‌و 15 كه‌سه‌ هه‌موویان یاریده‌ده‌رى پزیشكین و له‌ نه‌خۆشخانه‌كانى رووبه‌ڕووبونه‌وه‌ى كۆرۆنا له‌ كه‌لار دانراون و مانگانه‌ له‌ لایه‌ن رێکخراوى (GIZ)ى ئه‌ڵمانییه‌وه‌ پاڵپشتى دارایی ده‌كرێن”.

بێستون ژاڵه‌یى ئه‌وه‌شى خسته‌ڕوو: مانگانه‌ى ئه‌و كارمه‌ندانه‌ 525$ وەردەگرن‌ و به‌شێك له‌ كه‌موكورتییه‌كانى نه‌خۆشخانه‌كان پڕده‌كه‌نه‌وه‌ له‌ رووى كه‌مى كارمه‌ند، هاوكات هه‌وڵیش ده‌ده‌ن له‌ داهاتوودا هه‌لى كار بۆ كه‌سانى دیكه‌ش بڕه‌خسێنن.

بەشی بکە لە
Previous Next
Close
Test Caption
Test Description goes like this