بەهۆی زۆری ڕێژەی تووشبوون بە كۆرۆنا، بەڕێوەبەرایەتییەكی گشتی هەڵەبجە دەوامی ڕاگرت

0
268

SNN-عەلی حەمە سەعید

بەهۆی تەشەنەكردن و زۆربوونی ژمارەی تووشبوون بە كۆرۆنا و هاوكات تووشبوونی بەشێكی زۆری كارمەندان و فەرمانبەرانی بەشە جیاوازەكانی ناو بەڕێوەبەرایەتی پەروەردە و یەكەی سەرپەرشتیاری پەروەردە، بڕیاردرا كە بۆماوەی یەك هەفتە دەوام لە بەڕێوەبەرایەتی گشتی پەروەردەی هەڵەبجە ڕابگیرێت.

ئاراس محەمەد، سەرپەرشتیاری یەكەمی پەروەردەیی لە بەڕێوەبەرایەتی گشتی پەروەردەی هەڵەبجە بە SNNی ڕاگەیاند: وەك هەوڵێك بۆ ڕێگریكردن لە بڵاو بوونەوەی زیاتری ڤایرۆسی كۆرۆنا و پاراستنی گیانی فەرمانبەران و كارمەندانی ناو دیوانی بەڕێوەبەرایەتی گشتی پەروەردە و یەكەی سەرپەرشتیاری، بە ڕەزامەندی وەزیری پەروەردەی بڕیارماندا كە بۆماوەی هەفتەیەك دەوام ڕابگرین.

ئاماژەی بەوەشكرد، “بەهۆی ئەوەی ڕۆژانە بەركەوتنمان لەگەڵ هاووڵاتییان و مامۆستایان هەیە، ئەمەش بووەتە هۆی ئەوەی بشێكی زۆری فەرمانبەران و كارمەندانی بەشە جیاوازەكانی ناو دیوانی بەڕێوەبەرایەتی گشتی پەروەردەی هەڵەبجە و یەكەی سەرپەرتشیاری پەروەردەیی تووشی ڤایرۆسی كۆرۆنا ببین، بۆیە ڕاگرتنی دەوامیش هەوڵێكە بۆ ئەوەی پارێزگاری لە ژیانی كارمەندەكانمان بكەین و نەهێڵین ژمارەیەكی زیاتر توش ببن.

ئەو سەرپەرشتیارەی بەِڕێوەبەرایەتی گشتی پەروەردەی هەڵەبجە ئەوەشی خستەڕوو، كە لە ئەمڕۆوە تا 11/10/2020 دەواممان ڕاگرتووە، بۆیە داوا لە مامۆستایان و هاووڵاتییان دەكەن سەردانمان نەكەن بۆ هیچ جۆرە مامەڵەیەك تا هەفتەی داهاتوو بەڵكوو دۆخەكە كەمێك بەرەباشتر بڕوات.

بەشی بکە لە
Previous Next
Close
Test Caption
Test Description goes like this