ژمارەیەک بڕیار لە بەرژەوەندی هاووڵاتییانی چەمچەماڵ دەرکران

0
228

SNN-عەلی حەمەسەعید

قایمقامی قەزای چەمچەماڵ ئاشکرایکرد لەسەر داواکاری ئێمە ئەمڕۆ لەلایەن وەزارەتی ناوخۆوە ژمارەیەک فەرمانی وزاری لە بەرژەوەندی هاووڵاتییانی قەزاکەمان دەرچوون، بەهیواین بەزوویی بخرێنە بواری جێبەجێکردنەوە.

ڕەمەک ڕەمەزان، قایمقامی قەزای چەمچەماڵ بە SNNی راگەیاند: بە مەبەستی خستنەڕووی داواکاری و پێداویستییەکانی سنوورەکەمان لە سەرەتای ئەم مانگەوە سەرۆکی دیوانی وەزارەتی ناوخۆ سەردانی چەمچەماڵی کرد ئێمەش لە یاداشتێکدا داواکارییەکانمان ئاراستەی وەزارەتی ناوخۆ کرد، بەتایبەت لەبارەی کردنەوەی نوسینگەی پاسپۆرتی چەمچەماڵ.

ئاماژەی بەوەشکرد: لەژێر رۆشنایی داواکاری و یاداشتەکانی ئێمەدا، ئەمڕۆ وەزارەتی ناوخۆ کۆمەڵێک بڕیاری وزاری لەبەرژەوەندی هاووڵاتییانی سنوورەکە دەرکرد، کە بریتین لە کردنەوەی بنکەی پۆلیسی نەهێشتنی تاوان و کردنەوەی بنکەی پۆلیسی شارەوانی و هێنانەکایەی بەشی پۆلیسی بەرگری شارستانی لە چەمچەماڵ و بەستنەوەی بنکەکانی ناحیەکان بەو بەشەوە.

قایمقامی چەمچەماڵ ئەوەشی خستەڕوو: هەر ئەمڕۆ وەزارەتی ناوخۆ بڕیاریداوە بە خەرجکردنی بڕی 49 ملیۆن دینار بۆ تەواوکردنی بینای نوسینگەی پاسپۆرتی چەمچەماڵ، لەگەڵ ئەوەشدا فەرمانی دانانی بەڕێوەبەری پاسپۆرتی چەمچەماڵ دەرچووە، هەر ئەمڕۆ کۆمەڵێک پێداویستی بۆ نوسینگەی پاسپۆرتی چەمچەماڵ دابینکرا، ئوێدەوارین لە زووترین کاتدا کاروبارەکانی تایبەت بە کردنەوەی نوسینگەی پاسپۆرتی چەمچەماڵ بەکۆتابێت و بەڕووی هاوڵاتیاندا بکرێتەوە.

بەشی بکە لە
Previous Next
Close
Test Caption
Test Description goes like this