وێنه‌:له‌ سلێمانی وه‌رزشكارێك ماوه‌ی 42 ساڵه‌ خولێكی تۆپی پێ ده‌كاته‌وه‌

0
933
دیمەنێک لە خولەکە

ئه‌رده‌ڵان محه‌مه‌د – SNNsport

مه‌ریوان ساڵح راهێنه‌ر و سه‌رپه‌رشتیاری تۆپی پێی تیپی دڵسۆزی له‌ شاری سلێمانی، ماوه‌ی 42 ساڵه‌ خولی تۆپی پێ بۆ تیپه‌ میللیه‌كانی نایاب ده‌كاته‌وه‌ ئامانجیش له‌ كردنه‌وه‌ی ئه‌م خوله‌ بۆ زیاتر هاوکاری و برایه‌تی نێوان یاریزانان و تیپه‌ میللیه‌كانی شاری سلێمانییه‌.

خوله‌كه‌ به ‌به‌شداری 16 تیپی میللی پله‌ نایابی به‌شێوازی دوو دۆڕاندن شه‌وانه‌ له‌ یاریگای نه‌ورۆز ئه‌نجام ده‌درێت، سه‌ربه‌رشتیاری خوله‌كه‌ش دڵنیایی ده‌داته‌ وه‌رزشكاران و تیپه‌ میللیه‌كان كه‌ تا ئه‌و رۆژه‌ی له‌ ژیاندا بن ئه‌م خوله‌ به‌رده‌وامی ده‌بێت.

مه‌ریوان ساڵح راهێنه‌ر و سه‌رپه‌رشتیاری خوله‌كه‌ ئه‌وه‌ی خسته‌ڕوو:” ماوه‌ی 42ساڵه‌ ئه‌م خوله‌ به‌رده‌وامه‌ كه‌ تاكه‌ تیپین ئه‌و ماوه‌ زۆره‌ له‌سه‌ر به‌ڕێوه‌چوونی ئه‌م خوله‌ به‌رده‌وامین، بۆیه‌ جێگه‌ی خۆیه‌تی سوپاسی تایبه‌تی یانه‌ی نه‌ورۆز و هێرش هه‌ورامی راوێژكاری تایبه‌تی سه‌رۆكی یانه‌ لاهور شێخ جه‌نگی بكه‌ین، جگه‌ له‌ دابینكردنی یاریگاكه‌یان هه‌موو پێداویستییه‌كیان بۆ دابین كردووین”.

وتیشی:” ئامانجی ئێمه‌ له‌م خوله‌ خزمه‌تكردنه‌ به‌ یاریزانان و تیپه‌ میللیه‌كان بۆ ئه‌وه‌ی زیاتر برایه‌تی و دڵسۆزی له‌ نێوانیاندا زیاتر بكه‌ین، چونكه‌ ئێمه‌ به‌ئامانجی وه‌رزش بۆ برایه‌ت و ئاشتی و پێكه‌وه‌ ژیان كار ده‌كه‌ین، هه‌روه‌ها ئه‌م خوله‌ له‌لای زۆربه‌ی یاریزانان و تیپه‌ میللیه‌كان و وه‌رزشكاران به‌ خولێكی گرنگی ده‌زانن، له‌به‌رئه‌وه‌ش زۆر سوپاسی لیژنه‌ی تیپه‌میللیه‌كانی سلێمانی ده‌كه‌ین كه‌ هاوكارمان بوون و له‌ ژێر رێنماییه‌كانی ئه‌وان خوله‌كه‌ به‌ڕێوه‌ده‌به‌ین”.

سلێمانی یه‌كێكه‌ له‌و پارێزگایانه‌ی عێراق و كوردستان كه‌ له‌سه‌رجه‌م یارییه‌ جۆراوجۆره‌كاندا توانیویه‌تی خزمه‌تێكی زۆر بكات به‌ جۆرێك كه‌ چه‌ندین یاریزانی بۆ یانه‌ و هه‌ڵبژارده‌ جۆراوجۆره‌كانی عێراق دروست كردووه‌ و یاریزانانی رۆڵێكی گرنگیان بینیوه‌ له‌ به‌ده‌ستهێنانی چه‌ندین ئه‌نجامی گه‌وره‌ و مێژووی بۆ خۆیان و شاری سلێمانی و كوردستان و عێراق.

بەشی بکە لە
Previous Next
Close
Test Caption
Test Description goes like this