نێردەی نەتەوە یەکگرتووەکان لەگەڵ مەترسیدار ترین باڵی حەشدی شەعبی کۆدەبێتەوە

0
257

SNN

نێردەی تایبەتی نەتەوە یەکگرتووەکان لەعێراق لەگەڵ سەرۆکی کەتیبەکانی حیزبوڵای عێراق کۆبووەتەوە و میدیا عێراقییەکانیش ئەو دیدارەیان بە هەنگاوێکی هەڵە و مەترسیدار ناو ناوە.

کۆبوونەوەکەی جینین بلاسخارت و ئەبو فەدەک کە مەترسیدارترین سەرکردەی حەشدە لای عێراقییەکان تووڕەییەکی جەماوەری گەورەی لێکەوتۆتەوە.

ئەبو فەدەک رابەری حیزبوڵای عێراقە و دەستی سوورە بە خوێنی چەندین هاووڵاتی و خۆپیشاندەر و چالاکوانی عێراقی و لە ئێرانەوە پشتیوانیی دەکرێت.

نووسینگەی بەغدای نەتەوە یەکگرتووەکان بە ناچاری روونکردنەوەی لەسەر ئەو دیدارە داوە و دەڵێت “عەبدولعەزیز محەمەداوی یان ئەبو فەدەک جێگە و دەستی دیارە لە دۆخی عێراقدا، بۆیە دیداری لەگەڵ ساز کراوە”.

دەستەی حەشدی شەعبی سەر ناو و چەتری کۆکەرەوەی زیاتر لە حەفتا دەستە و تاقم و کەتیبەی جیاوازە کە زۆرینەیان لە ئێرانەوە ئاڕاستە دەکرێن.

موعین کازمی سەرکردە لە حەشدی شەعبی دەڵێت: “بلاسخارت خەریکی ناوبژییە و دەیەوێت ئەو گرژییەی لەنێوان حکومەت و حەشد هەیە بیڕەوێنێتەوە”.

دوای کۆبوونەوەکە نووسینگەی نێردەی یوئێن لە عێراق رایگەیاند “کاری ئەوان ئاشتەواییە و لەگەڵ هەموو چین و توێژەکانی عێراق ئامادەی دانیشتنن بۆ ئاساییکردنەوەی دۆخی خراپی وڵات”.

بەشی بکە لە
Previous Next
Close
Test Caption
Test Description goes like this