هێزێکی عێراقی سەرکردەیەکی دیاری داعش دەستگیر دەکات

0
224
هێزه‌ ئه‌منییه‌كانى عێراق له‌ دیاله‌ | فۆتۆ: Jason Greaves

SNN

هەواڵگریی عێراقی رایگەیاندووە “ئەمڕۆ سێشەمە توانیویانە یەکێک لە گرنگترین و مەترسیدارترین سەرکردەکانی داعش دەستگیر بکەن لە سنووری پارێزگای نەینەوا”.

لە بەیاننامەیەکدا هەواڵگریی سەربازیی عێراق ئاشکرایکردووە “لە ئۆپراسیۆنێکدا توانیویانە بەهاوکاری هەریەک لە تیمەکانی سریەی 20 و لیوای 66 تیرۆریستێکی دیاری داعش بە ناوی رەقاوی دەستگیر بکەن”.

بەیاننامەکە دەڵێت: “رەقاوی لە گوندێک بەناوی گسێرین لە ناحیەی حەمدانیە دەستگیر کراوە کە سەربە پارێزگای نەینەوایە و دەستی باڵای هەبووە لە وێرانکارییەکانی پارێزگاکەدا سەردەمی داعش”.

لە بەیاننامەکەدا هاتووە “رەقاوی یەکێک بووە لە ئەندامە سەرەکییەکانی فیرقەی کەواسر کە سەربە داعش بووە و بەشداریی هەموو شەڕەکان دژی سوپای عێراق بووە و بە پێی ماددەی 4ی تیرۆر داواکراو بووە”.

بەشی بکە لە
Previous Next
Close
Test Caption
Test Description goes like this