وەزارەتی پێشمەرگە: بۆ پرسی مووشەکەکان لەگەڵ بەغدا لەسەر هێڵین

0
271

SNNـ هەولێر 

بەپێی زانیارییەکان وەزارەتی پێشمەرگە دوای ئەوەی ژمارەیەک مووشەک ئاراستەی فڕۆکەخانەی هەولێر کرا، سوپاسالاری وەزارەتی پێشمەرگە لەگەڵ بەرپرسانی سەربازی عێراق و حەشدی شەعبی دەستیان بەلێکۆڵینەوە کردووە و بۆ ئەم پرسەش هاتوونەتە شاری هەولێر .

سەرچاوەیەک لە وەزارەتی پێشمەرگەی حکومەتی هەرێمی کوردستان بە SNNی ڕاگەیاند “ڕاستەوخۆ دوای ئەوەی ژمارەیەک مووشەک بە ئاراستەی فڕۆکەخانەی هەولێر کرا، فەریق جەمال ئیمینکی، سوپاسالاری هێزی پێشمەرگەی کوردستان لەگەڵ بەرپرسانی حەشدی شەعبی و سوپای عێراق لەسەر هێڵ بووە، دواتر شاندێکی وەزارەتی بەرگری عێراق و دەستەی حەشدی شەعبی هاتوونەتە هەولێر لەگەڵ بەرپرسانی وەزارەتی پێشمەرگە کۆبوونەتەوە، بەراشکاوانە وتوویانە ئەوان وەکو سوپای عێراق و حەشدی شەعبی دوور و نزیک پەیوەندییان بەو مووشەکانەوە نییە.

سەرچاوەکە وتیشی: “بەهۆی نزیکبوونەوەی رێککەوتن لەنێوان سوپای عێراق و پێشمەرگە لەسەر ئیدارەدانی ناوچە کیشە لەسەرەکان، وەزارەتی پێشمەرگە هیچ هڵوێستێکی توندی بەرامبەر سوپای عێراق و حەشدی شەعبی نەبووە.

هەفتەی رابردوو شەش مووشەک بە ئاراستەی فڕۆکەخانەی هەولێر تەقێنران و بەهۆی هەبوونی سیستەمی دژە مووشەکیی لەنێو فڕۆکەخانەی هەولێر مووشەکەکان لەنزیک گوندی گردەچاڵ کەوتنەوە و هیچ زیانێکی گیانی و مادی نەبوو.

بەشی بکە لە
Previous Next
Close
Test Caption
Test Description goes like this