عێراق مەترسیدارترین دوو چەکداری داعشی رادەستی ئەمریکا کرد

0
497

SNN

نووسینگەی لێکۆڵینەوەی فیدراڵی ئەمریکا بەشێوەیەکی رەسمی تۆمەتی ئاراستەی دوو مەترسیدارترین چەکداری داعش کرد و ئەمڕۆ لە عێراقەوە گواستنیەوە بۆ وڵاتەکەی.

ئەو دوو چەکدارە بە تیمی بیتڵز بەناوبانگن و ناویان ئەلیکساندەر ئامون و شافیعی شێخ-ە ئەو نازناوەشیان بۆیە لێنراوە، چونکە خەڵکی خۆرئاوای شاری لەندەنن.

ئەو دوو ئەندامەی پێشووی داعش تۆمەتبارن بە بارمتەگرتنی دەیان هاووڵاتی بیانی ئەمریکی و بەریتانی بەشێوەیەکی دڕندانە لەنێوان ساڵانی 2012 – 2015.

(شافعی شێخ) لەگەڵ هاوڕێیەکی بەریتانی دیکەیدا بە (بیتەلز داعش) ناسرابوون، چونکە هاوڕێیەتیی جۆن ئینگلیزی-یان کردووە کاتی خۆی لە سوریا، ئەو سەربڕەی سەری ژمارەیەک بەبارمتە گیراوی لە لاشەیان جیاکردەوە.

مانگی کانونی دووەمی ساڵی 2018 هێزەکانی سوریای دیموکرات ئەم دوو چەکدارەی داعشیان دەستگیر کرد و رادەستی سوپای عێراقیان کردنەوە و لەو کاتەوە واشنتن داوا دەکات لە ناو خاکی خۆی دادگاییان بکات، بەڵام بەریتانیا کە شوێنی رەگەزنامەیانە رازی نەدەبوو.

ئەمریکییەکان سەرەتای ئەم مانگە وتیان گەر بەڵگە سەلمێنەرەکان تا 15ی ئەم مانگە نەگاتە دەستیان، ئەوا دەیان گوازنەوە بۆ ئەمریکا و لەوێ سزای لەسێدارەدانیان بەسەردا جێبەجێدەکرێت.

 

بەشی بکە لە
Previous Next
Close
Test Caption
Test Description goes like this