یه‌كێتیی باسكه‌ی سلێمانی چالاكییه‌كانی ده‌ستپێده‌كاته‌وه‌ و 9 یانه‌ی كوڕان و 6 یانه‌ی كچان به‌شدارن

0
233
دیمەنێک لە یاری باسکە

ئه‌رده‌ڵان محه‌مه‌د – SNNsport

دوای دابڕانێكی زۆر به‌هۆی بڵاوبوونه‌وه‌ی ڤایرۆسی كۆرۆنا، دواجار یه‌كێتیی باسكه‌ی عێراق لقی سلێمانی چالاكییه‌كانی خۆی ده‌ست پێده‌كاته‌وه‌ و له‌ یه‌كه‌م چالاكیشیدا پاڵه‌وانێتیی باسكه‌ی كوڕان و كچان بۆ یاری(3×3) به‌ڕێوه‌ده‌بات.

سكرتێری لقی سلێمانی یه‌كێتیی باسكه‌ی عێراق رایگه‌یاند” كه‌ ده‌مانه‌وێت ده‌ست به‌ چالاكییه‌كانمان بكه‌ینه‌وه‌ بۆ ئه‌وه‌ی یاریزانانمان له‌وه‌ زیاتر دانه‌نیشن و به‌شداری ركابه‌رییه‌كان بكه‌نه‌وه‌.

بیلال مه‌ولود سكرتێری لقی سلێمانی یه‌كێتیەکە وتی:” به‌هۆی ئه‌و بارودۆخه‌ نه‌خوازراوه‌ی به‌هۆی بڵاوبوونه‌وه‌ی ڤایرۆسی كۆرۆنا دروست بووه،‌ نه‌مانتوانی چالاكییه‌كانمان ده‌ست پێبكه‌ینه‌وه‌ و ماوه‌یه‌كی زۆره‌ یاریزانانمان دانیشتوون، بۆیه‌ به‌ پاڵه‌وانێتی (3×3) ده‌ست به‌ چالاكییه‌كانمان ده‌كه‌ینه‌وه‌.

ئاماژه‌ی به‌وه‌شدا:” له‌ پاڵه‌وانێتییه‌كه‌دا 9 یانه‌ی كوڕانی شاری سلێمانی و ده‌ورووبه‌ری به‌شداری پاڵه‌وانێتیه‌كه‌ ده‌كه‌ن، هه‌روه‌ها له‌ كچانیشدا 6 یانه‌ ركابه‌ری نازناوه‌كه‌ ده‌كه‌ن، له‌به‌رئه‌وه‌ پێشبینی ده‌كه‌ین پاڵه‌وانێتیه‌كه‌ سه‌ركه‌وتوو بێت و یاریزانانیش ئاستێكی به‌هێز پیشان بده‌ن”.

ماوه‌یه‌كی زۆره‌ به‌هۆی ده‌ستپێنه‌كردنی چالاكییه‌ وه‌رزشییه‌كان سه‌رجه‌م خول و پاڵه‌وانێتییه‌كان وه‌ستاون، به‌ڵام لقی سلێمانی یه‌كێتیی باسكه‌ی عێراق وه‌ك یه‌كه‌م یه‌كێتی یاری باسكه‌ له‌سه‌ر ئاستی عێراق چالاكییه‌كانی ده‌ستپێدەکاتەوە.

 

بەشی بکە لە
Previous Next
Close
Test Caption
Test Description goes like this