پڕۆگرامى خۆراكى جیهانى: شانازى ده‌كه‌ین به‌ وه‌رگرتنى خه‌ڵاتى نۆبڵ

0
79
به‌خشینى خۆراك به‌ هه‌ژاران له‌لایه‌ن پرۆگرامى خۆراكى جیهانى | فۆتۆ: WFP/Mahamady Ouedraogo

SNN

كه‌مێك له‌مه‌وبه‌ر براوه‌ى خه‌ڵاتى نۆبڵى ئاشتى بۆ ساڵى 2020 راگه‌یه‌نرا كه‌ پڕۆگرامى خۆراكى جیهانییه‌ سه‌ربه‌ ئاژانسى نه‌ته‌وه‌ یه‌كگرتووه‌كان.

ئه‌مڕۆ هه‌ینى لیژنەی دیاریکردنی براوەی خەڵاتی نۆبڵی ئاشتی لە ئۆسلۆی پایتەختی نەرویج كۆنگره‌یه‌كى رۆژنامه‌وانى سازكرد و براوه‌ى خه‌ڵاته‌كه‌ى راگه‌یاند كه‌ پڕۆگرامى خۆراكى جیهانییه‌.

له‌دواى راگه‌یاندنى ئه‌نجامه‌كه‌ نوێنه‌رى لیژنه‌ى دیاریكردنى براوه‌ى خه‌ڵاتى نۆبڵ وتى: “له‌پاى هه‌وڵه‌ به‌رده‌وامه‌كانیان به‌مه‌به‌ستى رێگه‌گرتن له‌وه‌ى برسیه‌تى وه‌ك چه‌ك به‌كاربهێنرێت له‌ ناوچه‌ نائارامه‌كان بڕیارماندا خه‌ڵاتى نۆبڵ ببه‌خشینه‌ پڕۆگرامى خۆراكى جیهانی”.

دواتر نوێنه‌رى پڕۆگرامى خۆراكى جیهانى رایگه‌یاند: “وه‌رگرتنى ئه‌م خه‌ڵاته‌ ئه‌نجامى هه‌وڵه‌ به‌رده‌وامه‌كانمانه‌ له‌پێناو نه‌هێشتنى هه‌ژارى و قه‌یرانى خۆراك، له‌به‌ر ئه‌وه‌ شانازى ده‌كه‌ین به‌ وه‌رگرتنى خه‌ڵاته‌كه”.

پڕۆگرامى خۆراكى جیهانی ناسراو به‌ (WFP) له‌ ساڵى 1961 دامه‌زراوه‌، یه‌كێكه‌ له‌ ئاژانسه‌كانى سه‌ربه‌ نه‌ته‌وه‌ یه‌كگرتووه‌كان و له‌ ئێستادا باره‌گاكه‌ى له‌ شارى رۆمایه‌ له‌ ئیتالیا، ساڵانه‌ خۆراك بۆ زیاتر له‌ 91 ملیۆن كه‌س له‌ 83 وڵاتى جیهاندا دابین ده‌كات.

 

 

بەشی بکە لە
Previous Next
Close
Test Caption
Test Description goes like this