یه‌كه‌مین وتارى تره‌مپ دواى كۆرۆنا: بایدن خیانه‌تكاره‌

0
76
وتارى دۆناڵد تره‌مپ دواى چاكبوونه‌وه‌ى له‌ كۆرۆنا | فۆتۆ: Alex Brandon/AP

SNN
سه‌رۆكى ئه‌مریكا رایگه‌یاند: جۆو بایدن خیانه‌تكاره‌ و سیاسه‌تى دیموكراته‌كانیش شكستى هێناوه‌، وتیشى: “له‌سه‌رده‌مى ده‌سته‌ڵاتى مندا بێكارى كه‌مبووه‌ته‌وه‌”.

ئه‌مڕۆ شه‌ممه‌ دۆناڵد تره‌مپ، سه‌رۆكى ئه‌مریكا له‌ كۆشكى سپى یه‌كه‌مین وتارى خۆى پاش چاكبوونه‌وه‌ى له‌ ڤایرۆسى كۆرۆنا له‌به‌رده‌م هه‌واداره‌كانیدا پێشكه‌شكرد و وتى: “جۆو بایدن خیانه‌تكاره‌ و خیانه‌تى له‌ ده‌نگده‌ره‌كانى كردووه‌، دیموكراته‌كانیش شكستیانهێناوه‌ له‌ سیاسه‌ته‌كانیاندا، له‌به‌ر ئه‌وه‌ هه‌ڵه‌ن ئه‌گه‌ر پێتانوابێت بایدن ده‌توانێت حكومڕانێكى باش بێت بۆ ئه‌مریكا”.

له‌ به‌شێكى ترى قسه‌كانیدا سه‌رۆكى ئه‌مریكا ئاماژه‌ى به‌ دۆخى ته‌ندروستى خۆى كرد و ئه‌وه‌شى خسته‌ڕوو: “من دۆخم زۆر زۆر باشه‌ و هیواى باشبوونه‌وه‌ش ده‌خوازم بۆ سه‌رجه‌م تووشبووانى كۆرۆنا”.

سه‌رۆكى ئه‌مریكا باسى دۆخى ئابوورى وڵاته‌كه‌شى كرد و ئاماژه‌ى به‌وه‌كرد: “دۆخى ئابوورى ئه‌مریكا ده‌به‌ینه‌وه‌ ئه‌و قۆناغه‌ گه‌شه‌سه‌ندووه‌ى كه‌ تێیدا بووه‌، له‌ ئێستاشدا هیچ وڵاتێك هێنده‌ى ئه‌مریكا ئابوورییه‌كه‌ى گه‌شه‌ى نه‌سه‌ندووه‌”.

له‌ كۆتایی قسه‌كانیدا وتیشى: “شانازى ئه‌وه‌شم هه‌یه‌ كه‌ بڵێم له‌ سه‌رده‌مى مندا بێكارى كه‌میكردووه‌”.

بەشی بکە لە
Previous Next
Close
Test Caption
Test Description goes like this