لۆكاكۆ:دایك و باوكم له به‌ر ئێمه نانی ئێواره‌یان نه‌ده‌خوارد
لۆکاکۆ و دایکی
SNN Sport
رۆمێلۆ لۆكاكۆ هێرشبه‌ری ئینتەرمیلان ئاماژه‌ی بۆ ئه‌وه كرد كه خێزانه‌كه‌ی به ده‌ستی برسێتی و هه‌ژارییه‌وه ده‌یناڵاند تا درەوشانه‌وه‌ی ئه‌ستێرەكه‌ی له جیهانی تۆپی پێدا.
لۆكاكۆ له لێدوانێكیدا بۆ رۆژنامه‌ی ( لاگازێتا دیلۆ سپۆرت ) وتی:”كاتێک باوكم وازی له یاریكردنی تۆپی پێ هێنا ، ته‌مه‌نم ئه‌وكاته 6 ساڵ بوو، پاره‌مان نه‌بوو، دایكم تووشی نه‌خۆشی شه‌كره ببوو ، به‌ڵام پێویست بوو له سه‌ری كار بكات “.
هه‌روه‌ها وتی:” كاره‌كان ئاسان نه‌بوون تا گه‌یشتمه ته‌مه‌نی 12 ساڵی،دایك و باوکم به بێ خواردنی ژه‌می ئێواران ده‌خه‌وتن ، له پێناوماندا ، ئاره‌زووم له سه‌ركه‌وتن و سه‌لماندنی خودیخۆم دەکرد ، له قۆناغی لاوییه‌وه ده‌ستم پێكرد، ئاره‌زووم ده‌كرد پاداشتی باوك ودایكم بدە‌مه‌وه “.
له كۆتاییدا لۆكاكۆ وتی:” ته‌نیا بیرم له تۆپی پێ ده‌كرده‌وه ، له خه‌و هه‌ڵده‌ستام و بیرم له‌وه ده‌كرده‌وه كه ببمه یاریزانێكی بژارده، ده‌رۆیشتم بۆ قوتابخانه ، دواتر بۆ راهێنان ، هیچی تر ،كاتێک له ده‌ره‌وه‌ی ماڵه‌وه بووم ، تەنیا شت كه ئه‌نجامم ده‌دا یاریكردنی تۆپی پێ بوو”.
