بۆ یه‌كه‌مجار خوێندنگە كوردییه‌كانى خانه‌قین بایكۆتى ده‌وامیان كرد

0
181
كۆمه‌ڵێك خوێندكار له‌كاتى وانه‌ خوێندندا

SNN- سیروان حه‌سه‌ن 

له‌ دواى ئازادكردنى خانه‌قین و کردنەوەی خوێندنى كوردی تێیدا، بۆ یه‌كه‌مجار ئه‌مڕۆ قوتابخانه‌ كوردییه‌كانى سنوورى ئەو قەزایە بڕیارى بایكۆتى ده‌وامیاندا و بۆ كردنه‌وه‌ى قوتابخانه‌كانیش چوار داواكارییان خستووه‌ته‌ڕوو.

مامۆستا ئازاد ره‌فیق به‌ SNNى راگه‌یاند؛ له‌ سنوورى خانه‌قین 19 قوتابخانه‌ى سه‌ر به‌ هه‌رێمى كوردستان هه‌رچه‌نده‌ چه‌ندین ساڵه‌ له‌به‌ر به‌رژه‌وه‌ندى خوێندكارانى كورد و داهاتووى خوێندنگە‌ كوردییه‌كان دانمان به‌ خۆماندا گرتووه‌ و هه‌رگیز بایكۆتمان نه‌كردووه‌، به‌ڵام ئه‌مڕۆ بڕیارماندا به‌ بایكۆتكردنى ده‌وام و ئاماده ‌نین ده‌رگاى قوتابخانه‌كان بكه‌ینه‌وه.

وتیشى: “سه‌ره‌ڕاى خراپیى بارودۆخه‌كه ‌و ململانێى سیاسى و كێشه‌ و گرفته‌كان، هه‌ر به‌رده‌وام بوون و به‌وپه‌ڕى دڵسۆزانه‌ كاره‌كانیان كردووه‌ و پرۆسه‌ى خوێندنى كوردییان له‌ ناوچه‌كه‌ سه‌رخستووه‌، به‌ڵام حكومه‌تى هه‌رێم زۆر بێباك ‌و كه‌مته‌رخه‌مبووه‌ له‌ ئاستى مامۆستا و پێدانى مووچه‌كانیان”.

باسیشى له‌وه‌كرد وه‌كو مامۆستایانى سنووره‌كه‌ چه‌ند داواكارییه‌كیان خستووه‌ته‌ڕوو بۆ كردنه‌وه‌ى قوتابخانه‌كان كه‌ بریتین له‌

– دابه‌شكردنى مووچه‌ هه‌موو 30 رۆژ جارێك و به‌ بێ لێبڕین.

– دانه‌وه‌ى مووچه‌ خوراوه‌كانیان.

– هه‌ڵوه‌شاندنه‌وه‌ى سیستمى ئۆلاین.

– دابینكردنى پێداویستییه‌كانى خوێندن له‌ قوتابخانه‌كان و هاوكاتكردنمان له‌گه‌ڵ شاره‌كانى ترى كوردستان.

بەشی بکە لە
Previous Next
Close
Test Caption
Test Description goes like this