سبەی لیستی نوێی مووچە ڕادەگەیەنرێت

0
6832

SNN- عەلی حەمە سەعید

دوای گەیشتنی 320ملیار دینارەکەی بەغدا، وابڕیارە کە سبەی وەزارەتی دارایی خشتەی نوێی مووچە ڕابگەیەنێت و ئەوخشتەیەشی بڵاوکراوەتەوە فەرمی نییە.

بەگوێرەی ئەوزانیاریانەی کە لەبەرپرسێکی سەر بە وەزارەتی دارایی بە SNNدراون ئەوەخراوەتەڕوو، زیاد لەهەفتەیەکە وەزارەتی دارایی لیستی نوێی مووچەی بۆ مانگی نیسان بەلێبڕینی لە ‌‌ ‌%18 ئامادەکردووە  و بڕی زیاد لە 400 ملیاردینار لەداهاتی ناوخۆش کۆکراوەتەوە، بەڵام بەهۆی درەنگ گەیشتنی 320 ملیار دینارەکەی بەغدا نەتواندرا لیستی مووچە بڵاوبکرێتەوە.

ئاماژەی بەوەشکرد، دوای ئەوەی ئەمڕۆ 320 ملیار دینارەکەی بەغدا گەیشتە هەرێم بەدڵنیاییەوە سبەی وەزارەتی دارایی لیستی نوێی مووچە بڵاودەکاتەوە و یەکەم وەزارەتیش وەزارەتی تەندروستی دەبێت مووچە وەردەگرن.

ئەو بەرپرسەی وەزارەتی دارایی ئەوەشی خستەڕوو، ئەو لیستەی کە لەهەندێک دەزگای ڕاگەیاندن و تۆڕە کۆمەڵایەتییەکان بەناوی لیستی مووچەی مانگی نیسان بڵاوکراوەتەوە لیستێکی فەرمی نیەو سبەی لیستی فەرمی ڕادەگەیەندرێت.

بەشی بکە لە
Previous Next
Close
Test Caption
Test Description goes like this